ဝံးတခိၩ့ ဆၧအီၪကီၪ့ဆရၫ ဆရၫမုၪလဖၪ အယူၩဘလံၫ

နံၪ့၂၀၂၅နံၪ့ လၩစဲၭတံၫ့ဘၧၫ၂၈ၥၫ့ လဂီၩ၈နၩရံၫအခံၫ့နီၪ ဆၧမၩလၩမၩဖၩ့ၡီၩ့ ဆၧအီၪ ကီၪ့ ဆရၫႇမုၪလဖၪ အယူၩဘလံၫ ဒဲ ဆၧအီၪကီၪ့ဆရၫႇမုၪ အဆၧမၩလိၪလး ဂဲၫထဲၩ့အီၪထၪ့ ထၪ့ဘၭ အနံၪ့ ၅၀ ယူၩဘလံၫ အီၪဝ့ၫဒၪလၧ ဝံးတခိၩ့ အင်းစိန် စံၫ့ပံတၧၫ့ဒဲစံၫ့ပီၩ ၥရိၬလးဝၩ့ ဖၧၩ့နီၪလီၫႉ

ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ ကၫဒံၫနဲၫ ခၠၩစဘိၫနီၪလီၫႉ လၧကၫဒံၫနဲၫကၠၧၫ့ကၠၧၫ့ ၥၫ့ခိၪဒိၪ၂ဂၩဒဲ မွန်ဆီညော် အန်ဒရီးယားဖာရန်းတေၥံၪဆ့ ပၫဝ့ၫဒၪ ဆ့နီၪလီၫႉ ၥၫ့ခိၪဒိၪကဂၩနီၪ အီၪဂဲၫဝ့ၫဒၪလၧ ခးအံၫ့ဒံယၬ ဘိၫ့ဘ့ၫဝံးႇ အမံၩ့မွဲလၧ Allwyn D’Silva နီၪလီၫႉ အဝ့ၫယီၩလီၩလၩ့လၬလၩ့ဆၧၥၭထိၬပရၧၫ့နီၪဘိၭ “ဆၧအီၪကီၪ့ဆရၫႇမုၪ လ ဖၪနီၪ မွဲလၧယွၩကိၭဝ့ၫဒၪ ၦလဖၪဂီၩ့ ယွၩကမိဒုၭကဲၪအဝ့ၫၥံၪဘဲၫ ၦအလီၩ့ဖီၪ့ၦၡၩလဖၪနီၪ လီၫႉ လကၭဘၪ ၥၫ့မုၥၫ့ခၫဒဲ မံၭထၭမုၪ မံၭထၭခွၫၥံၪ လထီၩ့ဘၪအလးလဖၪဒဲ လအီၪဘၪ အလးလဖၪဖၧၩ့ ဆၧအီၪကီၪ့ဖိၪၥံၪအဂး ဆၧအီၪကီၪ့ဆရၫႇမုၪလဖၪယီၩ ကဘၪလီၩလၩ့ လၬလၩ့ယွၩလူယွၩထၫနီၪလီၫ”.

ဂီၩ့နီၪ မွန်ဆီညော် အန်ဒရီးယားဖာရန်းတေ ဆုးထဲၩ့စံၭဝ့ၫဒၪ “ဆၧအီၪကီၪ့ဆရၫႇ မုၪလဖၪနီၪ မွဲလၧ ၦအလီၩ့အုၩ့လၩ့ ကဆါယွၩအဆၧယၫ့ၥၭဒဲဆၧအဲၪဆၧကွံၩလဖၪလီၫ”’ လၧယူၩဘလံၫ မံဆၩဆၧလုထၪ့အဖၧၩ့ ၦအဂဲၫထၪ့မၩလၩမၩဖၩ့ဝ့ၫဒၪထီးလူၬ ကအီၪအဂၩ ဖိၭဘိၭ ၁၀၀၀ဘျဲၪအဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ