လၩအီၭတိၫဘၧၫအဂး ၥၫ့ဎွၩ Leo ၁၄ ဂၩလဂၩ လီၩၥ့ၪယၫထၬ ဆၧထံၫလၩ့ဒီၪလၩ့လဖၪအဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪမွဲဝ့ၫဒၪ လၩအီၭတိၫဘၧၫအဂး ၥၫ့ဎွၩ Leo ၁၄ ဂၩလဂၩ လီၩၥ့ၪယၫထၬ ဆၧထံၫလၩ့ဒီၪလၩ့လဖၪအဂဲး အကၠီၩ့နီၪလီၫႉ ၥၫ့ဎွၩ Leo ၁၄ ဂၩလဂၩယီၩ ကဲၪထၪ့ၥၫ့ဎွၩအီၪလၩ ၄ ဘံၪ့ဘျဲၪ့နီၪလီၫႉ လၩ ၄ ဘံၪ့ဘျဲၪ့အထးဖၧၩ့နီၪ အဝ့ၫယီၩ အီၪလၧခး Italy ဖၧၩ့နီၪဂီၩ့ ဒၪခီၩ့လိၬၥၭလၧ ဆၧဘိၪ့ဘၭဂူၫဂၩခိၫနါၥံၪႇ ထံၫဂဲးခးဂဲးခိၪနါၥံၪႇ ၡၩခံးဂးခိၪနါၥံၪ ဒဲ အဖုၫခိၪနါၥံၪလဖၪနီၪအကၠီၩ့ ၥၫ့ခိၫဒိၪ Robert Francis Prevost လီၩၥ့ၪယၫအ့ၪပၧၩဘဲၫယီၩၥိၭနီၪလီၫႉ နံၪ့ ၂၀၂၅ နံၪ့အထးဖၧၩ့ယီၩ မွဲဝ့ၫဒၪ ယုဘလံၫ အနံၪ့နီၪလီၫႉ လၩအီၭတိၫဘၧၫ အဂး ၥၫ့ဎွၩ Leo ၁၄ ဂၩလဂၩ အဆၧထံၫလၩ့ဒီၪလၩ့နီၪ မွဲဝ့ၫဒၪ
(၁) လၩအီၭတိၫဘၧၫ (၅) အတုၬမုနံၩ
ၥၫထနၫဖိၪၥံၪအမုနံၩဒဲ ၦတတုၬတနၭဖိၪၥံၪမုနံၩအဂး ၥၫ့ဎွၩ Leo ၁၄ ဂၩလဂၩ ကလုထၪ့ ယုဘလံၫ မံဆၩဆၧလုထၪ့ဆံၫ့ဎံၪလၧ St. Peter ဝးဖၧၩ့နီၪလီၫႉ
(2) လၩအီၭတိၫဘၧၫ (၉) ပြီပတံၬမုနံၩ
မုကနံၩယီၩနီၪ မွဲဝ့ၫဒၪ ၦဆံၫ့ဖျ့ၪမုနံၩအကၠီၩ့နီၪ ၥၫ့ဎွၩ Leo ၁၄ ဂၩလဂၩ ကလုထၪ့ ယုဘလံၫ မံဆၩဆၧလုထၪ့ဆံၫ့ဎံၪလၧ St. Peter ၥရိၭဖၧၩ့နီၪလီၫႉ
(၃) လၩအီၭတိၫဘၧၫ (၁၂) အတုၬမုနံၩ
မုကနံၩယီၩနီၪ ၦလၧဘၪအၪ့န့အဒီၩ့လၧ နးမၫရံၫယၩအီၪ အဖုၫၥံၪလဖၪအဂး ၥၫ့ဎွၩ Leo ၁၄ ဂၩလဂၩ ကလုထၪ့ ယုဘလံၫ မံဆၩဆၧလုထၪ့ဆံၫ့ဎံၪ နီၪလီၫႉ
(၄) လၩအီၭတိၫဘၧၫ (၁၉) အတုၬမုနံၩ
မုကနံၩယီၩနီၪ ၥၫ့ဎွၩ Leo ၁၄ ဂၩလဂၩ ကရွံထၪ့ ၦဆံၫဎံၪ (၇) ဂၩအဂး မံဆၩဆၧလုထၪ့ဆံၫ့ဎံၪနီၪ ကလုထၪ့ဝ့ၫလၧ St. Peter ဝးဖၧၩ့နီၪလီၫႉ ၦဆံၫဎံၪ (၇) ဂၩယီၩနီၪ ဆၧတီၩဆၧလီၩအဂး ဘၪထိးမၩၥံၫၥၭနီၪလီၫႉ ၦဆံၫဎံၪ (၇) ဂၩဖၧၩ့နီၪ မံၭထၬမုၪပၫ ၃ ဂၩနီၪလီၫႉ
(၅) လၩအီၭတိၫဘၧၫ ၂၆ အတုၬမုနံၩ
မုကနံၩယီၩနီၪ Synod အဖုၫၥံၪလဖၪအဂး ၥၫ့ဎွၩ Leo ၁၄ ဂၩလဂၩ ကလုထၪ့ ယုဘလံၫ မံဆၩဆၧလုထၪ့ဆံၫ့ဎံၪလၧ St. Peter ဝးဖၧၩ့နီၪလီၫႉ
(၆) လၩအီၭတိၫဘၧၫ (၂၇) အစီၩ့မုနံၩ မုကနံၩယီၩနီၪ လၧ ဝံး Roma ဘျၪ့ကိၪ့ဒိၪ ဆၧမၩလိၪဖိၪၥံၪအဂး ၥၫ့ဎွၩ Leo ၁၄ ဂၩလဂၩ ၦမၩလိၪဖိၪၥံၪအဂး ကလုထၪ့ အ့ၪဝ့ၫ မံဆၩဆၧလုထၪ့ဆံၫ့ဎံၪနီၪလီၫႉ
