မာရီယိုအဆၧရွံ
မာရီယိုနီၪ မွဲလၧအၥၭအီၪ၁၈နံၪ့ ၥၭဘၪ့ခွၫကဂၩနီၪလီၫႉ အဝ့ၫအထံၩၥိၭလဖၪ ကိၭဖံၭၥိၭအဝ့ၫ လၧအမံၩ့ဎိၩဝ့ၫဒၪ ပၫတံၫကမံၩ့ဖၧၩ့ကကၠၪ အဝ့ၫယီၩ အၥၭဂဲၩဝၭဝ့ၫဒၪအၪမၬနီၪလီၫႉ အထံၩၥိၭလဖၪစံၭ အဝ့ၫပၫတံၫယီၩ မုၬအၪမၬလ့ၬအဂဲးလီၫႉ လါနၫ့ လၧပၫတံၫယီၩအဖၧၩ့ လကြၨၭမၩဘၪလဖၪ မွဲကပၫဆ့ အဂဲး မာရီယိုၥ့ၪယၫဝ့ၫနီၪလီၫႉ
အဝ့ၫယီၩ လချူၭလ့ၩဒံၭဘၪ ပၫတံၫအခံၫ့ နၪ့ထၪ့စိၩ အဖူၫအဆၧချဲၩ့နီၪလီၫႉ“စလံၩခွၫဧ့ တခၩနကမၩဆၧနးမံၩ့ နၪ့ထၪ့ဘၪကဆါယွၩအီ. ကယဲနမၩဆၧနးမံၩ့ ကဆါယွၩဒၪနၧၩနဲၪႉ” အဝ့ၫယီၩ နၪ့ထၪ့ထဲၩ့အဖူၫ အဆၧချဲၩ့ယီၩဂီၩ့ကကၠၪ အၪ့ဎၬထၪ့ဆၧကဆိဖိၪဂီၩ့ ရွံထၪ့ဝ့ၫလၧ ကဆါယွၩဘၪအၥၭ ဖၧၩ့ၥၭနီၪလီၫႉ လခဲၫ့ထုၬ အဝ့ၫယီၩ လီၩၥ့ၪယၫစိၩ အထံၩၥိၭလဖၪ အဝ့ၫလ့ၩလၧပၫတံၫလၧၩ့အ့ၬအဂဲးဂီၩ့ အဝ့ၫယီၩ ရွံထၪ့မၩထဲၩ့ဆၧလၧ ကလၩ့ဘူၭလၧကဆါယွၩ ဆၧဖံၭဆၧမၩလဖၪနီၪလီၫႉ အဝ့ၫရွံထၪ့ဆၧယီၩ အကၠီၩ့ ဖီၩ့ဖျ့ၭထၪ့လၧ ဆၧဘၪၥူၭဘၪမၪလဖၪအဖၧၩ့နီၪလီၫႉ
လီၩလၩ့ (၁၂:၁)
လၧမုနံၩအၧၩ့လဖၪ လချူၭထီၩ့ဒံၭဘၪနီၪ ဒဲ နံၪ့လဖၪလၧနမိစံၭ ယအီၪမုၬလၧအဖၧၩ့ လၥ့ၪဘၪနးစီၪ့နီၪ လချူၭၥုၭဘူၭဒံၭဘၪအၥၭတၭ လၧနၥၭဘၪ့အခၫနီၪ နၪ့ထၪ့ထဲၩ့လါနဝ့ၫ ၦလၧအတဲၩ့လၩ့နၧၩနီၪဆံၭႉ
