ဝံးတခိၩ့ မံၭထၭခွၫ၂၈ဂၩဒိၭန့ ယွၩအခ့ၫအၡၩအလၩအဖၩ့အဂဲး
နံၪ့၂၀၂၅နံၪ့ လၩစဲၭတံၫ့ဘၧၫ၂၇ၥၫ့ လဂီၩ၆နၩရံၫခီၫအခံၫ့နီၪ ဒိၩ့ပၥံၫ့ဆၧအီၪကီၪ့ၥၫ့ခိၪဒိၪ Bp.Henry မၩ့အဲၪချံၫ့ လ့ၩဖ့ၪလၫ့အ့ၪ ဝံးတခိၩ့ မံၭထၭခွၫ ၂၈ဂၩ ယွၩအခ့ၫအၡၩအလၩအဖၩ့နီၪလီၫႉ မၩဝ့ၫဒၪအလးနီၪဘိၭ မွဲလၧဝံးတခိၩ့ ၦကကဲၪထၪ့ ဘိၪ့ခိၪၥၫ့ခၫအလးနီၪလီၫႉ မံၭထၭခွၫလၧ ထၪ့ဆၧမၩလိၪ (၂နံၪ့လနံၪ့) ၁၇ဂၩနီၪ ဒိၭန့ဘၪ ဆၧၥၭထိၬပရၧၫ့ ယွၩအခ့ၫအၡၩအလၩအဖၩ့ဂီၩ့တၭ မံၭထၭခွၫလၧ အထၪ့ဆၧမၩလိၪအီၪ(၃နံၪ့လနံၪ့) ၁၁ဂၩနီၪ ဒိၭန့ထၪ့ဘၪ ဆၧလုဂံၪ့ ယွၩအခ့ၫအၡၩအလၩအဖၩ့နီၪလီၫႉ မံၭထၭခွၫလၧ အဒိၭန့ဘၪ ဆၧၥၭထိၬပရၧၫ့ ယွၩအခ့ၫအၡၩအလၩအဖၩ့လဖၪနီၪ လၧမံဆၩဆၧလုထၪ့အထးဖၧၩ့ ကဘၪဖီလၩ့လံၬဆံၫ့ဎံၪ ဒဲ စံၭထၪ့အၪ့အူၭလဖၪဂီၩ့ မံၭထၭခွၫလၧအဒိၭန့ထၪ့ဘၪ ဆၧလုဂံၪ့ယွၩအခ့ၫအၡၩအလၩအဖၩ့လဖၪနီၪဘိၭ လၧမံဆၩဆၧလုထၪ့အဖၧၩ့ ကဘၪမၩဆၧၩ့ ၥၫ့မုၥၫ့ခၫအဆၧမၩလဖၪနီၪလီၫႉ
မံဆၩဆၧလုထၪ့ဖၧၩ့ ၥၫ့ခိၪဒိၪ မၩ့အဲၪချံၫ့ ချဲၩ့လၩချဲၩ့ဖၩ့ဘၪ မံၭထၭခွၫလဖၪဒဲ ကိၭဖံၭၥိၭအီၪကွ့ၩဝ့ၫဒၪလၧ ဒိၩ့ပၥံၫ့ဆၧအီၪကီၪ့အဖၧၩ့နီၪလီၫႉ ဂီၩ့နီၪ ဝံးတခိၩ့ ၦကကဲၪထၪ့ ဘိၪ့ခိၪၥၫ့ခၫ ဆၧမၩလိၪလးကၠီးအခိၪ ၥၫ့ခၫဒိၪ စီပရီယန်အောင်ဝင်းနီၪ ချဲၩ့စံၭခိးစံၭတၩထဲၩ့ဆၧလီၫႉ လၧမံဆၩဆၧလုထၪ့ဖၧၩ့ ၦထီးလူၬပၫဝ့ၫဒၪ ကအီၪဖိၭဘိၭအဂၩ၃၀ဂီၩ့ မံဆၩဆၧလုထၪ့ ဂီၩ့ခွံၬဝ့ၫဒၪလၧ လဂီၩ၈နၩရံၫအခံၫ့နီၪလီၫႉ ဂီၩ့နီၪ ဒိၪကၠၭ ကအီၪက့ၪတတံၩ့ထၬဝ့ၫအဂး ဆၧဂၩ့အဂဲး ဆၧပရၧၫ့ယီၩ ပန့ဘၪလၧ Fr.George အယ်ဒို အအီၪနီၪလီၫႉ Photo credit to Peter Uma’s Facebook
