ၥၭဘၪ့ဖိၪၥံၪ အလူၬနီၪ ဂၪ့ခိၪနါဂၧၫ့ကန့အဂး ၥၫ့ဎွၩ Leo ၁၄ ဂၩလဂၩ ဘၩဆိၪဖၪန့ဆၧအဂဲး   

လၧဎြံၬဆၧအဲၪဆၧကွံၩဖၧၩ့   ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩ Leo ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ၥၭဘၪ့ဖိၪၥံၪ အလူၬနီၪ ဂၪ့ခိၪနါဂၧၫ့ကန့အဂး ၥၫ့ဎွၩ Leo ၁၄ ဂၩလဂၩ ဘၩဆိၪဖၪန့ဆၧအဂဲး   အကၠီၩ့နီၪလီၫႉ ၥၫ့ဎွၩ Leo ၁၄ ဂၩလဂၩယီၩ လၧဝံး Roma St. Peter နီၪလီၩနုၬဆဲ ၥၭဘၪ့ဖိၪၥံၪ လၧဆၧဖံၭၥိၭ ဎိၩဒိၪနီၪလီၫႉ

နၥံၪယီၩ မွဲဝ့ၫဒၪ ဂၪ့ခိၪအဂး ထံၩလၫဒဲ ဆၧဖၩ့နီၪအကၠီၩ့ ကိၥၭနၫ့ဘၪနးဂၩလဂ့ၩႉ နၥံၪကိၡါထၪ့ဆၧအလူၬႇ နၥံၪ အဆၧဖံၭဆၧမၩထီးလူၬနီၪ ကဘၪကဲၪ ကဆါဎြံၬအဂးနီၪအကၠီၩ့ ၥၫ့ဎွၩ Leo ၁၄ ဂၩလဂၩ ဖ့ၪဂဲးဖ့ၪဘၭထၬ ၥၭဘၪ့ဖိၪၥံၪနီၪလီၫႉ ၥၭဘၪ့ဖိၪၥံၪ ထီးအလူၬ နၥံၪနီၪ ဂၪ့ခိၪအဂး မွဲဝ့ၫဆၧယိလါ နီၪလီၫႉ လၧခဲၫမုနံၩနီၪ ဂၪ့ခိၪထၧၫ့ဘံၪ့ယၫအဂး ကဆါဎြံၬ အခိးအတၩႇ အဆၧဖၩ့နီၪကဂဲၫထီၩ့နီၪလီၫႉ

ၥၭဘၪ့ဖိၪၥံၪကိၭဂၩ ဆူၩနဲၩကဆါဎြံၬဂီၩ့ ဂၪ့ခိၪအဂး နၥံၪကဘၪကဲၪ ဆၧၡူၪဆၧမုၬနီၪလီၫႉ ဘၩဆိၪဖၪန့ ဂၪ့ခိၪအဂး ဘဲၫၥိၭကဆါဎြံၬ ဖ့ၪအ့ၪပၧၩ ဆၧၡူၪဆၧမုၬနီၪလီၫႉ လၧခဲၫထုၬနီၪ ၥၫ့ဎွၩ Leo ၁၄ ဂၩလဂၩ ဖ့ၪအ့ၪၥၭဘၪ့ဖိၪၥံၪ ဆၧဆိၪဂ့ၩဂီၩ့ ဆၧၡူၪဆၧမုၬအဂး နၥံၪကဘၪဘၩဆိၪဖၪဆၧ ကၠၧၫ့ကၠၧၫ့နီၪအကၠီၩ့ ၥၫ့ဎွၩ Leo ၁၄ ဂၩလဂၩ ဖ့ၪဂဲးဖ့ၪဘၭထၬ ၥၭဘၪ့ဖိၪၥံၪနီၪအကၠီၩ့ ယရၩလၩ့န့အ့ၪဘၪ နၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ