ၦဆံၫ့ဎံၪ Teresa Benedicta အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Teresa Benedicta အဂဲးအကၠီၩ့နီၪလီၫႉ ၦဆံၫ့ဎံၪ Teresa ယီၩအီၪဖျဲၪလၧ ခးပိၫလၫ့ ၦ မံၩ့ဎိၩၥၪဖျီၪ အဖိၪမုၪကဂၩနီၪလီၫႉ အခီၩဒၪအိၩ ၦၡၩၥ့ၪယၫအဝ့ၫ အမံၩ့နီၪ မွဲဝ့ၫဒၪ St. Edih Stein နီၪလီၫႉ အဝ့ၫၥၭဘၪ့အခံၫ့နီၪ ခွံၬၡိၭ Jew ဘိၪ့ထၪ့ဘၩထၪ့ဂီၩ့ စၭထၪ့လၧ မုကနံၩနီၪ အဝ့ၫအၥၭခံဖၧၩ့ ဆူနဲၩကဆါယွၩနးဆံၭလၧအ့ၬနီၪလီၫႉ အဝ့ၫယီၩ နံၪ့ ၁၉၂၂ နံၪ့နီၪ မၩဘျၪ့ကိၪဒိၪဆရၫမုၪ နီၪလီၫႉ လကၭဒ့ၭဘၪ မွဲဝ့ၫဒၪ မံၭထၬမုၪကဂၩနီၪလီၫႉ
အဝ့ၫယီၩ ဆၧဆီၫ့မီၪ့ဆီၫ့မၬ ၦကိၪ့ဘၪ ကဂၩနီၪလီၫႉ ဆၧနီၪအကၠီၩ့ အဝ့ၫအီၪၥၭမၧၫ့ ထီၫ့ဘီၩ့ယၧနီၪ အီၪၥၭမၧၫ့ဒၪလၧ ဆၧဆီၫ့မီၪ့ဆီၫ့မၬ ၦကိၪ့ဘၪ ကဂၩနီၪလီၫႉ လၧခဲၫ့နီၪ အဝ့ၫယီၩဖီလံၬအမံၩ့မံၩ့ဂီၩ့ လၩ့ဎွါထဲၩ့ အဆၧဆူၩနဲၩလၧ ကဆါယွၩနီၪလီၫႉ အဝ့ၫကဆူၩနဲၩထဲၩ့ ကဆါယွၩ အဂး St. Teresa of Avila လံၬအုၭနီၪ မၩဆၧၩ့အဝ့ၫနီၪလီၫႉ လၧခဲၫ့ထုၬနီၪ Jew ဖိၪၥံၪဘၪထိးဖီၫ့ၥၭအခံၫ့နီၪ ၦဆံၫ့ဎံၪ Teresa ဒဲ အဝ့ၫအဖုမုၪ Rosa နီၪဘၪထိးဖီၫ့ၥၭနီၪလီၫႉ
လၧခဲၫ့ထုၬနီၪ ၦၡၩထံၭလၩ့အဝ့ၫလၧ စီၩ့အွံၩ ဖၧၩ့ဂီၩ့ မၩၥံၫခွံၬအဝ့ၫဂီၩ့ လယံၬလမီးဘၪ ဘၪထိးရွံထၪ့ၥၭ ၦဆံၫဎံၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဘဲၫၥိၭနၥံၪကထီးန့ထၬဘၪ ၦဆံၫဎံၪ Teresa Benedicta အဂဲးအကၠီၩ့ကန့အဂး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬႇ မွဲနၥံၪလၧၫ့ဎွ့ၩဝ့ၫၪလၧ ကဆါယွၩ အဆၧအဲၪဆၧကွံၩလါဆံၭႉ
