ၥၫ့ဎွၩလ့ၫအိၫ ၁၄ ဂၩလဂၩ ဒၪခီၩ့လိၬၥၭလၧ Israel ခးခိၪနါလၧ Vatican နီၪလီၫႉ
Israel ခးခိၪနါ Isaac Herzog ယီၩ ဂဲၫဒၪလၧ ၥၫ့ဎွၩလ့ၫအိၫ ၁၄ ဂၩလဂၩဂီၩ့ အဝ့ၫထံၫခးအဂဲးႇ ခီၫ့ၡၩဂးအဂဲးႇ ဘၪထွ့ၫလၧ ဆၧအဂဲးၥံၪယီၩ ကၧၩ့ကၩဎိလၩ့ဝ့ၫနီၪလီၫႉ အလ့ၫၥ့ၪအီၪအလးနီၪ ဆၧဒူၭၥုၭထၪ့ႇ ၦဘၪဒၪဆၧၫ့ယၫဆၧကၪဆၧဂဲၩႇ ၦတတုၬတနၬၥံၪအီၪအၪမၬဒ့ၭနီၪလီၫႉ လကၭဒ့ၭဘၪ အဝ့ၫၥံၪအီၪအလးနီၪ ၥၫထနၫအီၪအမံၩ့မံၩ့ဂီၩ့ အရ့ၩဎိၩထုၬၦၡၩ ၥၭဆုးလီၩအၥၭအလးနီၪ မွဲဝ့ၫဒၪ Garza နီၪလီၫႉ ဆၧအလးယီၩနီၪ ဆၧဘၪထံၭဘၪဆၫအီၪအၪမၬဒ့ၭနီၪလီၫႉ ၦလၧကမၩဆၧၩ့ ဆၧကၪဆၧဂဲၩယီၩ ကအီၪအဂးႇ ၦလၧမၩထၪ့ဖျီၪ ဆၧတီၩဆၧလီၩယီၩ ကအီၪအဂးႇ ၦလၧမၩ အီၪပထုၬ ဆၧကၪဆၧဂဲၩယီၩ အဖုၪၥံၪအမံၩ့မံၩ့ ကအီၪအဂး ကၧၩ့ကၩဎိလၩ့ဝ့ၫနီၪလီၫႉ ဘိၪနီၪအၥိၭ Palestine ခးဖိၪၥံၪအဂး ဆၧၡူၪဆၧမုၬကန့ထၪ့အဂး ခၧၩ့ကၩဎိလၩ့ဝ့ၫနီၪလီၫႉ Vatican ဒဲ Israel ခးနံၫခးယီၩ ဆၧၡူၪဆၧမုၬကန့ထဲၩ့အဂး ကၧၩ့ကၩဎိလၩ့ဝ့ၫနီၪလီၫႉ
