ပဆၧလူၬဆၧချဲၩ့နီၪ ၦဂူၫဂၩအဂး ကဘၪကဲၪ ဆၧမၩဆၧၩ့ဆၧအဂဲး

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩ Leo ၁၄ ဂၩလဂၩ အဆၧၥီၪ့ဆၧၥၫ့ နီၪမွဲဝ့ၫဒၪ ပဆၧလူၬဆၧချဲၩ့နီၪ ၦဂူၫဂၩအဂး ကဘၪကဲၪ ဆၧမၩဆၧၩ့ဆၧအဂဲးအကၠီၩ့နီၪလီၫႉ ဆၧလၧဆၧချဲၩ့ကမံၩ့နီၪ ၦဂူၫဂၩအဂး ကဲၪဘၪဆၧဆၫအ့ၬႇ ကဘၪကဲၪ မၩဘျၪၦဂူၫအဆၧဆၫနီၪအဂး ၥၫ့ဎွၩ Leo ပဂၧၫ့ထၪ့ထၬၦကိၭဂၩနီၪလီၫႉ လကၭဒ့ၭဘၪႇ ပအီၪၥၭမၧၫ့ မုကိၭနံၩဖၧၩ့နီၪ ပကဘၪဘၠၩ့လၩ့ ပၥၭလိၪဝ့ၫဒၪနီၪလီၫႉ ဘၪမနီၪလဲၪစွါဘဲၫ ပအီၪၥၭမၧၫ့ ဂၪ့ခိၪဖၧၩ့ ၦလနၩ့နၩ့နီၪ မၩဘၪထံၭဘၪဆၫ ဂၪ့ခိၪဖိၪၥံၪ အၪမၬဒ့ၭ အကၠီၩ့နီၪလီၫႉ အထီဘဲၫယီၩ ဆၧအုၩ့လၫ့ထီၫလၫ့ အၬထၪ့အၪမၬဒ့ၭနီၪလီၫႉ   ဆၧနီၪအကၠီၩ့ ဆၧဘံၪဘူၪၥၭ အၪထၪ့ဂီၩ့ ဆၧၥၭမဲၫၥၭဖျဲၩ့ဆၧၥံၪ ဂဲၫအၪထၪ့ နီၪလီၫႉ

ပကယိလၧ လံၬဆံၫ့ဎံၫဖၧၩ့စွါဘဲၫ ပကဒၪဘၪ ကဆါဎြံၬဘၠၩ့အ့ၪ ၦအနါအၧၩ့ကဂၩအဂဲးအကၠီၩ့နီၪလီၫႉ ၦလၧအနါအၧၩ့ယီၩ ကဘၪထိးဘၠၩ့ၥၭအဂး လီၩဎွါ ကဆါဎြံၬမွဲအ့ၬႇ ၦဂူၫဂၩဘၪလ့ၩကိန့အဝ့ၫလၧ ကဆါဎြံၬအီၪနီၪလီၫႉ ဆၧအဂဲးအယီၩနီၪ ဘၪထွ့ၫလၧ ၥၫထနၫနီၪလီၫႉ လၧၥၫထနၫဖၧၩ့ ၦလၧ အလူၬလၥီၪလၧဘၪၥံၪလဖၪႇ ၦလၧဘၪဒၪ ဆၧကၪဆၧဂဲၩၥံၪလဖၪအဂး ၦကိၭဂၩအနါနီၪ ကဘၪခိၭနၫအ့ၪ အဝ့ၫၥံၪယီၩအကၠီၩ့  ၥၫ့ဎွၩလ့ၫအိၫ ၁၄ ဂၩလဂၩ  ဒၪခီၩ့လိၬၥၭလၧ ၦခမျၧးၥံၪအခံၫ့ ၥီၪ့ၥၫ့ ထၬဝ့ၫဘဲၫယီၩၥိၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ