ၥၫ့ဎွၩလ့ၫအိၫ ၁၄ ဂၩလဂၩ လ့ၩဆံၭခိးဆံၭတၩဘၪ ဖံၫဖုၫၥံၪအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ မွဲဝ့ၫဒၪ ၥၫ့ဎွၩလ့ၫအိၫ ၁၄ ဂၩလဂၩ လ့ၩဆံၭခိးဆံၭတၩဘၪ ဖံၫဖုၫၥံၪအဂဲးအကၠီၩ့နီၪလီၫႉ ၥၫ့ဎွၩလ့ၫအိၫယီၩ လၩယူၫလဲၪ ၂၁ ၥၫ့ဒၪအိၩ လ့ၩဎၬလၧ Santa Marta ၦၥၭၡါဖံၫဖုၫၥံၪအီၪ အလးနီၪလီၫႉ ၥၫ့ဎွၩလ့ၫအိၫ လ့ၩလၧ ၦၥၭၡါၥံၪအီၪအခံၫ့နီၪ  ၦလၧယိၦၥၭၡါ မံၭထၬမုၬၥံၪနီၪ ထုၬဆၧၫ့ ၥၫ့ဎွၩလ့ၫအိၫ လၧဆၧအဲၪဆၧကွံၩနီၪလီၫႉ   ၥၫ့ဎွၩလ့ၫအိၫ  ၁၄ ဂၩလၩ လ့ၩဖ့ၪဂဲးဖ့ၪဘၭ ၦၥၭၡါၥံၪႇ လ့ၩဘၩဆိၪဖၪအ့ၪၦၥၭၡါၥံၪႇ လကၭဒ့ၭဘၪ လ့ၩဆံၭခိးဆံၭတၩ ၦၥၭၡါၥံၪနီၪလီၫႉ

ဘၪမနီၪလဲၪစွါဘဲၫ ဆၧလၧၦၥၭၡါၥံၪနီၪ ဖ့ၪအ့ၩၦဂူၫဂၩ ဆၧကိၪဘၪကိၪၥ့ၪန့အၪမၬဒ့ၭႇ လကၭဒ့ၭဘၪ ၥၭဘၪ့ဖိၪၥံၪ ဘၪအၪ့န့အဒီၩ့လၧ အဝ့ၫၥံၪအီၪ အၪမၬဒ့ၭနီၪလီၫႉ ဆၧနီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လ့ၩဆံၭခိးဆံၭတၩဘၪအဝ့ၫၥံၪ  လ့ၩချဲၩ့လၧ အဝ့ၫၥံၪႇ  လ့ၩခိၭနၫအ့ၪ အဝ့ၫၥံၪ ဂဲၫထဲၩ့အီၪၥၭမၧၫ့ ထၧၫ့ဘီၩ့ယၫအဂဲးနီၪအကၠီၩ့  ယရၩလၩ့န့အ့ၪဘၪနၥံၪနီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ