မၩယိထၪ့နးထံၪ
လၧကကၠၪအိၩ ၥၭဘၪ့ခွၫအမံၩ့ စခးချံၫ့ ဘနီၪ အီၪကဂၩနီၪလီၫႉ အဝ့ၫအဆၧၥၭမၧၫ့နီၪ အီၪဝ့ၫမုၬအ့ၬႉ လဂီၩစွါဘိၩ လ့ၩဆၧမၩႇ လၧဂၫ ခီၫဘိၭ ဂဲၫထဲၩ့လၧဂံၪ့ႇ ဂီၩ့နီၪ အီၪပွံၩအီၪၥၪ အၪ့မ့ၩအၪ့ထံၪ ဂီၩ့မံၫဝ့ၫဒၪႉ လခဲၫ့ကနံၩဆ့ အဆၧမၩနီၪ အီၪအနီၪဆ့လီၫႉ အဝ့ၫယီၩ မုကိနံၩနီၪ ခၫ့ဂၬခွံၬဝ့ၫဘိၩနီၪအၥိၭလီၫႉ
အနီၪဘိၭ ကနံၩတၭ အဝ့ၫယီၩ စံၭလၩ့အၥၭ “ယၧၩယီၩ ယကထဲၩ့ အီၪဒၪမၬဘယီၩလီၫဧၫႉ
အဝ့ၫယီၩအၪ့ဎၬလၩ့ၥၭဘနီၪဂီၩ့ လခဲၫ့ထုၬအဝ့ၫစၭထၪ့မၩဝ့ၫနီၪ မွဲလၧ ထိးဆၧၫ့လၩ့ထဲၩ့အၥၭလီၫႉ အဝ့ၫနီၪ အထီးအီၪအ့ၬႉ အဆၧကိၪ့ ၥ့ၪကိၪ့ဘၪလၧၫ့ဎွ့ၩအ့ၬႉ အဆၧဆီၪ့ဆၧချဲၫ့ဂ့ၩအ့ၬအဂဲး အဝ့ၫယီၩ ထိး ဆၧၫ့လၩ့အၥၭနီၪလီၫႉ
ဂီၩ့နီၪအဝ့ၫယီၩ အီၪက့ၪထၬလီၩ့ ဖီၫထုၪ့ကမံၩ့နီၪလီၫႉ အနီၪ က နံၪ့ယီၩ အထးဖၧၩ့ ယကစၭထၪ့မၩ ခီၫ့ၡၩဆၧမၩနးမံၩ့ နီၪလီၫႉ ဘိၩက ထီၩ့လၧ အဖီၫထုၪ့အလးနီၪ အဝ့ၫယီၩ ကိနံၩဒ့ၭ မၩလိၪထၪ့ဆၧႇ စူၭထီးႇ ဂီၩ့နီၪ အဆၧဆီၪ့ဆၧချဲၫ့ ကဂ့ၩထၪ့ထဲၩ့အဂး ကိဂီၩဒ့ၭ လ့ၩဂၬ ဖၭ ဝ့ၫဒၪနီၪလီၫႉ ဆၧကိၭမံၩ့နီၪ ကကဲၪထၪ့ယီၫယီၫဧၫႉ ဘၪကကၠၪကၠၪ ဆၧပွံၩဆၧထၩ့အၥၭဂီၩ့ ကမိထိးစၪခွံၬအၥၭနီၪလီၫႉ လါနၫ့ ကိနံၩဒ့ၭ အဝ့ၫမၩယံၫယါထၬဆၧလဖၪယီၩ ဖ့ၪလၫ့ထဲၩ့အဝ့ၫဂဲးဘၭအကၠီၩ့ အဝ့ၫယီၩ ဆုးထဲၩ့မၩဝ့ၫန့နီၪလီၫႉ လၧခဲၫ့ထုၬနီၪ ဘိၩအဝ့ၫအၪ့ဎၬထၬ အၥိၭ အဝ့ၫယီၩ စၭထၪ့မၩခီၫ့ၡၩဆၧမၩ န့ထၪ့နီၪလီၫႉ
ဘိၩစခးချံၫ့ယီၩအၥိၭ ပကန့ဘၪ ဆၧၥၭမၧၫ့အဂ့ၩနၭ ကမံၩ့မံၩ့အ ဂးနီၪ ကၠၧၩ့ပကဆီၫ့မီၪ့ယိလီၫနီၪ မွဲလန့ဘၪဂီၩ့ ပကဘၪမၩထၪ့လၧ ဆၧမၩဒၪမ့ၬဖၧၩ့ ကလိၫဝ့ၫဒၪတၡါနီၪလီၫႉ
