ၥၫ့မုၥၫ့ခၫလၧ အဆၧၫ့နၩ့ရိၩ့လဖၪ စူၭကီၪ့လုထၪ့မံဆၩဆၧလုထၪ့

လၩအီဂၧၭ ၃ၥၫ့ လဂီၩ ၈နၩရံၫခီၫ အခံၫ့ႇ လၧ St. John Marie Vianney အဘိၪ့မုနံၩ ဒၪအိၩ ဝံးတခိၩ့ဖၧၩ့အီၪဝ့ၫဒၪ ၦလၧအဘၪဆၧၫ့နၩ့ရိၩ့ ၥၫ့မုၥၫ့ခၫလဖၪ စူၭကီၪ့မၩလၩမၩဖၩ့ ဘိၪ့မုနံၩနီၪ လၧဝံးတခိၩ့ႇ အလိၫ့ဝံးႇ St.Teresa ၥရိၬဖၧၩ့နီၪလီၫႉ

လၧမံဆၩဆၧလုထၪ့နီၪအဖၧၩ့ ၥၫ့မုၥၫ့ခၫပၫဝ့ၫဒၪ၁၃ဂၩနီၪလီၫႉ Fr. Edward Aye Min Htunနီၪ လ့ၩခိၪလ့ၩနါလုထၪ့မံဆၩဆၧလုထၪ့နီၪလီၫႉ

ၥၫ့မုၥၫ့ခၫလၧအဂဲၫထၪ့ဝ့ၫလဖၪနီၪ မွဲဝ့ၫဒၪ Fr. Noel Naw Latt (Justice and Peace National Director), Fr. Stephen Chit Thein (PMS National Director), Fr. George Shwe Htun (National Director of Biblical Pastoral Ministry), Fr. Patrick Soe Htun (Myanmar RVA Language Services), Fr. Saw Hubert (Coordinator of RVA Sgaw Karen Service) and Fr. Paulinus Myat Kyaing (St. Teresa Parish Priest and National OSC Director), seminary professors, diocesan directors, chaplains, and national directors ဒဲ coordinators ၥံၪလဖၪနီၪလီၫႉ

မံဆၩဆၧလုထၪ့ဂီၩ့ဝ့ၫအထီ အဝ့ၫၥံၪယီၩ အၪ့နၩ့လၩ့ထဲၩ့အဝ့ၫၥံၪအဆၧဖံၭဆၧမၩ ဆၧ ကၪဆၧဂဲၩအဂဲးအဖးလဖၪနီၪလီၫႉ ၦလၧအဘၪယိထဲၩ့ခွါထဲၩ့ ၥၭၡါလဖၪလၧ ကန်တော် ကလေး လးဝၩ့ဖၧၩ့ Fr.Jude နီၪ လီၩဝ့ၫဒၪ “ၦၡၩလဖၪနီၪ ယိထၪ့ၥၫ့မုၥၫ့ခၫဘိၩ ၦဆံၫ့ဎံၪၥိၭ အကၠီၩ့ ပဝ့ၫၥံၪယီၩ ပကဘၪဖ့ၪနဲၪထၪ့ ဆၧဒီၩ့ဆၧထ့ၬ အဂ့ၩအဘွၩအဂးႇ အ့ၪမွဲၦဆူနဲၩဖိၪၥံၪ အလိၪအီၪအခၫ ဘိၩဂဲၫအၪ့ကံၩ့ပၧၩ ဆၧမၩဆၧၩ့ကန့ဘူၪဘူၪယီၫယီၫအဂး ပကအီၪတဲၩ့ဝဲၩ ပၥၭႇ အရ့ၩဒိၪထုၬ အဝ့ၫၥံၪအနးၥၭအဂး ဂဲၫကိၭပၧၩအခၫ ပကဘၪလ့ၩအ့ၪ ထၧၫ့အန့နီၪလီၫ.”

Fr. Patrick Soe Htun စံၭဝ့ၫဒၪ “အဝ့ၫအဆၧၥၭမၧၫ့ဖၧၩ့ လရွံဘၪအခံၫ့အခၫဂီၩ့ ကထိးၥိၩ့အၥၭလၧကဆါယွၩအဂး အီၪတဲၩ့ဝဲၩဆိၫထၬအၥၭနီၪ မွဲလၧအရ့ၩဒိၪထုၬနီၪလီၫ”

Sr. Assumpta Lawrence, SJA နီၪ ဆုးထဲၩ့လီၩဝ့ၫဒၪ “ဘဲၫယီၩအၥိၭ ၥၫ့မုၥၫ့ခၫၥံၪ ဂဲၫစူၭကီၪ့လၩ့ဎိၭၥၭနီၪ မွဲလၧဒုၭဖျီၪထၪ့ ထၧၫ့ဖုဝဲခွၫၥံၪအၥုၪ့အၥၭ ဒဲ ဒုၭဂုထၪ့အၪထၪ့ ထၧၫ့ဖုဝဲ ၥုၪ့ၥၭအဂဲး” နီၪလီၫႉ

လခဲၫ့ထုၬ RVA ဖျိၩ့ၡၩ့ခိၪနါ Fr. Saw Hubert ဆုးထဲၩ့လီၩလၩ့ဝ့ၫဒၪ “ၥၫ့မုၥၫ့ခၫၥံၪနီၪ ကဘၪအီၪက့ၪထၬ ယ့ၫၡူၬအၥၭဆံၫ့ဎံၪနီၪ ဘိၩဆၧဒီၩ့အၥိၭဂီၩ့ ကဘၪအၪ့လုအၥၭ ဘိၩကဆါ ယ့ၫၡူၬအၥုၪ့အၥၭအၥိၭနီၪလီၫႉ “