ဆၧအထံၭလဖၪအဂဲး (၃)

လၧဆၧခိအလး ဆၧခိခၫအထီမွဲဂ့ၩႇ လၧဆၧချံၫ့အလး ဆၧချံၫ့ခၫအထီမွဲဂ့ၩ ဆၧအထံၭနီၪ ဘၪအၪ့န့ထၬ ထံၫကၪကၪဂဲၩဂဲၩအကၠီၩ့ ၥံၪ့လၪလဖၪ ဘၪလၩ့ဎွံၪဝ့ၫဒၪနီၪလီၫႉ ဆၧအထံၭၥံၪလဖၪနးဆ့ ဘဲၫဆၧဖိၪဆၧဎါၥံၪအၥိၭ ကၥၭကအီၪမၧၫ့အဂး ဘၪကျ့ၭစၨၭဝ့ၫလီၫႉ ဆၧအထံၭမၧၫ့ထၪ့ အၪဝ့ၫဒၪ လးကျဲၩ့လဖၪနီၪ ဘဲၫကဖီၩ့လၧ ဆၧလၩဒူၩအဂး ကထံၭဒဲကထံၭ ဘၪအၪ့ဂလိၬမၧၫ့ထၪ့နီၪလီၫႉ အဝ့ၫအဝံလဖၪ ဘဲၫဆၧအၪ့ဆၧအီၩ့ကန့အဂး ဘ ၪနုၬလၩ့လၧဖံၬဖၫ့လၬ ယိၬယိၬဖိၪနီၪလီၫႉ အလၪၥံၪနးဆ့ ဘဲၫကန့ ဘၪမုမ့ၬအလွ့အဂး ဘၪမၩထၪ့အလၪဒဲ အမိဎွါနးဆ့ ဘဲၫလဎဲၪထၬ ဘၪအဂး ထံၫလဖၪ ဘၪမၩ ဘံၭထၬဝ့ၫလၧအဖံၭနီၪလီၫႉ

ဆၧအထံၭၥံၪနီၪ ဂ့ၩဒိၪဝ့ၫလၧဂၪ့ခိၪအဂး အၪမၬနီၪလီၫႉ ပအၪ့ပအီၩ့ ဆၧအၪ့ဆၧအီၩ့ထီးအလူၬနီၪ န့ဝ့ၫလၧ ဆၧအထံၭမွဲဂ့ၩႇ ဆၧဖိၪဆၧဎါၥံၪလၧအဒိၭနဲၩ့အၥၭလၧဆၧအထံၭၥံၪမွဲဂ့ၩနီၪလီၫႉ အၪဒၪဆၧနီၪ လၧပဂး ဆၧကီၩ့ဆၧၥိၭလဖၪၥံၪနီၪ န့ဝ့ၫဒၪလၧ ဆၧအထံၭအီၪနီၪလီၫႉ ၥံၪ့အယၪနီၪ ၦခမျၧးလဖၪအဂး ဂ့ၩဒိၪဝ့ၫလၧ ၥံၪ့မုႇ မ့ၪႇ ဂံၪ့အဆၧပိၭဆၧလၫ့ၥံၪဒဲ ကၥုၪ့ထၪ့ဂံၪ့အဂးၥံၪနီၪလီၫႉ လကၭဒံၭ ဘၪ ၥံၪ့ဎွံၪႇ ထံၫနၧၫ့မၧၫ့ႇ စၭခီၫ မွဲဂ့ၩဒိၪဝ့ၫလၧ ၡၩခမျၧးအဂးလဖၪၥံၪယီၩ မွဲန့ဝ့ၫလၧ ဆၧအထံၭအီၪနီၪလီၫႉ အထီ ဘဲၫယီၩ ၦၥိၩ့ထၪ့အၪဝ့ၫဒၪ လိးမ့ၪအၧၩ့နီၪ မွဲလၧဖျိၩ့ဖျိၩ့အိၩ မၧၫ့ထၪ့ထၬဝ့ၫဒၪ ၥံၪ့ထံၭလဖၪနီၪလီၫႉ ဆၧအၥၭမၧၫ့ၥံၪလဖ ၥွံၭထၪ့ အီၭစံၫဂၠ့ၫဂီၩ့ မၩစဲၪ့ထၪ့ထဲၩ့ ကာဗွန်ဒိုင်အောက်ဆိုက်နီၪလီၫႉ