ၥၫထနၫဖၧၩ့ ပကဘၪကဲၪ ၦမၩဆၧဖိၪအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ  ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ  ၥၫထနၫဖၧၩ့ ပကဘၪကဲၪ ၦမၩဆၧဖိၪ အဂဲးအကၠီၩ့နီၪလီၫႉ ပကဲၪ ၦယိယိ ဆၧဆူၩနဲၩဖိၪဂီၩ့ လၧခဲၫ့ကထုၪနီၪ ပကဘၪကဲၪ  ၦမၩၥၫထနၫဆၧမၩဆၧဖိၪၥံၪနီၪလီၫႉ ၦကိၭဂၩၥံၪ ကန့ထၪ့ဘၪ ၥၭမၧၫ့ ဆၧလၧၫ့ဎွ့ၩ ဒဲ ဆၧယိလါအဂး  ကဆါဎြံၬနီၪ လၧပၥၭခံဖၧၩ့ ဎွံၪလၩ့ဆၧချံၫနီၪလီၫႉ

ဆၧလၧဎရံၬဖိၪၥံၪနီၪ ကဘၪကဲၪ ၥၫထနၫဆၧမၩဖိၪႇ ကဘၪကဲၪ ဆၧဆူၩနဲၩဖိၪနီၪလီၫႉ ဆၧအလးကိၭဒီၪ့နီၪ လၧၥၫထနၫဖၧၩ့ ၦကမၩဆၧမၩလၧ ၥုၪ့ဂ့ၩၥၭဘွၩအဂး ဆၧမၩဖိၪ လိၪအၪမၬဒ့ၭနီၪလီၫႉ ၥၫထနၫကလ့ၩထၪ့လ့ၩထီၫအဂး ပမၩလန့ဘၪလါနၫ့ ပကဘူၭထဲးလၧ ကဆါယွၩအဂး ပကဘၪမၩ ဆၧဘၩဆိၪဖၪနီၪလီၫႉ လၧၥၫထနၫဖၧၩ့နီၪ ကဆါယွၩမူၭခိၪထံၫခးအဂး ၦထိးၥၭၥံၪ ဒဲ ၥၫထနၫဆၧမၩဖိၪၥံၪ လိၪအၬမၬဒ့ၭနီၪလီၫႉ

ဆၧနီၪအကၠီၩ့ ပကဲၪၦၡၩကိၭဂၩၥံၪယီၩ ကဆါယွၩ မူၭခိၪထံၫခးဖၧၩ့ ပကကဲၪဘၪ ၥၫထနၫဆၧမၩဖိၪအဂး ပကဘၪအၪ့က့ၩဘၩဆိၪဖၪလၧ နးမၫရံၫယၩ အီၪနီၪလီၫႉ ဆၧအဂဲးယီၩ ၥၫ့ဎွၩလ့ၫအိၫ ၁၄ ဂၩလဂၩ  ဒၪခီၩ့လိၬၥၭလၧ ၦခမျၧးၥံၪ တရါလၩ့ လနံၩၥၧၫ့ကၠၪ ဆၧဘၩဆိၪဖၪအခံၫ့နီၪ လီၩထၬဝ့ၫနီၪလီၫႉ