KMSS Community Development ၥဖၠးအဂဲး

လၧလၩယူၪလဲၪ (၁၆) ၥၪ့ဒၪအိၩဒိၩ့ပၥံၫ့ မယၩ့ခၠီၩ့ ၥရိၬဖၧၩ့KMSS ၦမၩဆၧဖိၪလဖၪ ဝဲထၪ့ ၥဖၠး လၧမံဆၩဆၧလုထၪ့ဆံၫ့ဎံၪနီၪလီၫႉ မံဆၩဆၧလုထၪ့ဖၧၩ့ပၥံၫ့ဆၧအီၪကီၪ့ ၥၪ့ခိၪဒိၪ Henry EiKhlein နီၪ လ့ၩခိၪလ့ၩနါဂီၩ့ ၥၪ့ခၪဂဲၪထၪ့ ၃  ဂၩနီၪလီၫႉ

လၧမံဆၩဆၧလုထၪ့ဖၧၩ့ ၥၪ့ခိၪဒိၪ Henry Eikhlein နီၪလီၩဝ့ၫ လၧၥၭမုဆံၫ့ဎံၪ အစီၩ့အမၩ့ အဂဲးအဘၭဖၧၩ့ ပကလ့ၩကၠၭႉ ၥၭမုဆံၫ့ဎံၪ ၥီၪ့ဘၪပၩလီၫႉ လၧပဆၧအီၪကီၪ့ဖၧၩ့ KMSS ရိၩ့ ရိၩ့ဖၧၩ့ၦမၩဆၧဖိၪလဖၪထီးအလူၬၥၭမုဆံၫ့ဎံၪယွၩဧ့ ၥီၫ့ၥၪ့ဘၪလီၫႉ မၩနၪ့ထၪ့ဘၪ မၩဎွ့ၩထၪ့ ဘၪနီၪလီၫႉ ပမိၡါအီၪဆီၪ့ဒၪလါနၫ့ အ့ၪပမိမၩဆၧပၥၪလုလအီၪဘၪ ၥၭမုဆံၫ့ဎံၪအစီၩ့အမၩ့ လအီၪဘၪလၧပၥၭဖၧၩ့စွါဘဲၫ ပမၩဆၧနၩ့နးမံၩ့အ့ၬ အီၪဒၪပကဆၧၫ့နၩ့အီၪလီၫႉ ပလ့ၩဆၧ မဒူၩ ဧၪအ့ၬႉ အ့ၪပၥၭဖၧၩ့ ၥၭမုဆံၫ့ဎံၪအစီၩ့အမၩ့အီၪစွါဘဲၫ ပၡၩဂူၪဂၩ လအၪ့မၫ့ဧၪပၩလါနၫ့ ပကမိမၩနီၪလီၫႉ ပကဒၪဘၪဆၧအၥၫ့လဖၪနီၪလီၫႉ ပယိဆၧအယီၩဂီၩ့ဘဲၫၥိၭ ၥၭမုဆံၫ့ဎံၪ ကၥိၪပၩ အဂဲးအဘၭအဂး ပကအၪ့ကံၩ့ကၠၭအခိးအတၩနီၪလီၫႉ လၧ KMSS Community Development ၥဖၠးယီၩအဖၧၩ့ ကၭၥလံၬဆၧအီၪကီၪ့ဖၧၩ့ၦမၩဆၧဖိၪ ဂဲၪထၪ့အီၪ ၂၃ ဂၩနီၪလီၫႉၥၫထနၫနီၪ ၁၂ ၥၫထနၫဖၧၩ့ၦမၩဆၧဖိၪလဖၪနီၪဂဲၪထၪ့ကၠၭဝ့ၫနီၪလီၫႉ