ကဆါဎြံၬနီၪ ၦကိၭဂၩအဂး မွဲဝ့ၫဆၧယိလါအဂဲး

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩ Leo ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ကဆါဎြံၬနီၪ ၦကိၭဂၩအဂး မွဲဝ့ၫဆၧယိလါအဂဲး အကၠီၩ့နီၪလီၫႉ ကဆါဎြံၬလ့ၩဆၧလၧ ဝံး Jericho ဒဲ Jerusalem အခံၫ့ ဒၪခီၩ့လၧ( ဘာတီးမီးယူစ် )အကၠီၩ့ ၥၫ့ဎွၩ Leo ၁၄ ဂၩလဂၩ အၪ့န့ဆၧၥၭထိၭအပရၧၫ့ လီၩဖျီၪထၪ့ဝ့ၫ နီၪလီၫႉ (ဘာတီးမီးယူစ်) နီၪ မွဲဝ့ၫၦမ့ၬဘျီၪနီၪလီၫႉ (ဘာတီးမီးယူစ်) အမံၩ့အခီၫပယီၫနီၪ မွဲဝ့ၫ ဆၧလၩဆၧဖၩ့နီၪလီၫႉ

(ဘာတီးမီးယူစ်) ယီၩ ကဆါဎြံၬကဘၠၩ့အ့ၪ အဝ့ၫ အမ့ၬၥၪအဂး ကိၭၡါထၪ့အလူၬ အၪ့က့ၩဆၧမၩဆၧၩ့လၧ ကဆါဎြံၬအီၪနီၪလီၫႉ ဆၧနီၪအကၠီၩ့ႇ ပအၪ့က့ၩကိၭၡါထၪ့ဆၧထီးလူၬနီၪ ကဆါဎြံၬ လနါဂၧၫ့ဘၪ အီၪနးကၠၪအ့ၬနီၪလီၫႉ ဘဲၫနီၪအၥိၭ ၦအမ့ၬၥၪဒၪဆၧလၥ့ၪဘၪ (ဘာတီးမီးယူစ်)လၧ ပလလၧၫ့ဎွ့ၩဘၪအီၪထီးလူၬနီၪ ပကဘၪ မၩဖျီၪထၪ့လၧ ကဆါဎြံၬအီၪနီၪလီၫႉ ဆၧအယီၩနီၪ ပကထိးဘၠၩ့ပၥၭအဂး မွဲဝ့ၫ အရ့ၩဎိၩထုၬနီၪလီၫႉ  

ၦလၧဘၪဒၪလၧ ဆၧတတုၬတနၬၥံၪလဖၪ ကန့ထၪ့ဘၪ ကဆါဎြံၬအဆၧဘၠၩ့အဂး ကိၭဖံၭၥိၭထၬ ဎရံၬဖိၪၥံၪထီးလူၬ နီၪလီၫႉ ဆၧအယီၩနီၪ ကိၭနွ့ၫဒ့ၭ ပူၬတပၠါနံၩ ၥၫ့ဎွၩ Leo ၁၄ ဂၩလဂၩ ဒၪခီၩ့လိၬၥၭလၧ ၦခမျၧးၥံၪအခံၫ့နီၪ လီၩထၬဝ့ၫ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ  ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ