ၥၭဘၪ့ဖိၪၥံၪ ကဘၪအၪ့ဎၬ ဆၧမၧၫ့ဆၧဂဲၩဘဲၫယီၩဒဲလၧခဲၫ့ အခီၫပယီၫအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ  ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ  ၥၭဘၪ့ဖိၪၥံၪ ကဘၪအၪ့ဎၬ ဆၧမၧၫ့ဆၧဂဲၩဘဲၫယီၩဒဲ လၧခဲၫ့အခီၫပယီၫအဂဲး အကၠီၩ့နီၪလီၫႉ

ၥၭဘၪဖိၪၥံၪလၧ အၪ့ဎၬ ဆၧမၧၫ့ဆၧဂဲၩဘဲၫယီၩဒဲ  လၧခဲၫ့အခီၫပယီၫ ကဒီၪ့နီၪ ကန့ထၪ့ဘၪဝ့ၫ လၧၫ့လၧၫ့ဎွ့ၩဎွ့ၩအဂး ကဆါကၠဲၬ ကဖ့ၪအ့ၪအဝ့ၫၥံၪနီၪလီၫႉ ၥၧၫ့လၩ့ဆါ ၥၭလၩ့ဆါဘၪလဂ့ၩ  ၥၫ့ဎွၩလ့ၫအိၫ ၁၄ ဂၩလဂၩ ဖ့ၪဂဲးဖ့ၪဘၭထၬ ၥၭဘၪ့ဖိၪၥံၪလၧ ဆၧချဲၩ့အယီၩနီၪလီၫႉ

နၥံၪနါဂၧၫ့ဘၪ ကဆါယွၩ ကိၭနၥံၪ စွါဘဲၫ အီၪထးဘၪ အလးခဲၫ့နးဆံၭလဂ့ၩႇ ကဆါယွၩ ခိၬနၥံၪကိၭကၠၪနီၪ နၥံၪကြၨၭ လၥၭနၫ့ဘၪနီၪလီၫႉ ပအီၪၥၭမၧၫ့ဖၧၩ့  ပဘၪဒၪဆၧၫ့ယၫ  ဆၧယိလါ လၩ့မၬခွံၬဒၪဆၧ  ကဆါယွၩနီၪ ကဖ့ၪအ့ၪနၥံၪ ၥၭမၧၫ့လၧၫ့ဎွ့ၩအဂး ၥၭနၫ့ဝ့ၫ နးဆိၬအ့ၬနီၪလီၫႉ

အဲၪကွံၩဘၪ ၥၭဘၪ့ဖိၪထီးအလူၬၥံၪဧ့ႇ နၥံၪကဘၪမၩဆၧမၩလၧ ကဆါယွၩ ဆံၬဖၧၩ့အဂး  ကၠူၭအခံၫ့လဂ့ၩႇ နၥံၪကဘၪလ့ၩ ဖျဲၪဖျဲၪလိၪဝ့ၫဒၪအကၠီၩ့  ၥၫ့ဎွၩလ့ၫအိၫ ၁၄ ဂၩလဂၩ  ပဂၧၫ့ထၪ့ထၬ ၥၭဘၪ့ဖိၪၥံၪ ဘဲၫယီၩၥိၭအဂဲး မုကနံၩယီၩ ယရၩလၩ့န့အ့ၪဘၪနၥံၪနီၪလီၫႉ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ