လၧခပယၩ့ခိဆၧၩ့ချံၫ့ႇနဲၩ့ဎီၩ့ဆၧဂၭဂီၩ့ဂၭဆၫဒဲနဲၩ့ဎီၩ့ဆၧလၩ့အၪ့ယိၫ

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ ပခးပယၩ့ယီၩ နဲၩ့ဎီၩ့ဆၧလၩ့အၪ့ယိၫအကၠီၩ့ လၧဂၪ့ခိၪချိၫ့ဖၧၩ့ ဘၪထံၭဆၫ အနၭထုၬ ထံၫခးလဖၪအဖၧၩ့နီၪ မွဲခးပယၩ့ယီၩ ပၫဝ့ၫယူၭဒဲ အထီလၧယၫ နံၪ့လဖၪအဖၧၩ့ ကဆုးဂဲၫဝ့ၫဒၪ နဲၩ့ဎီၩ့ဆၧလၩ့အၪ့ယိၫလဖၪအဂး ကဘၪထံၭဆၫထံၫခးအဖၧၩ့ မွဲပၫဝ့ၫဆ့နီၪလီၫႉ ဆၧဖိၪဆၧဎါလဖၪ အၥၭကဘၪၥံၫခွံၬအၪမၬနီၪလီၫႉ

ခိဆၧၩ့ချံၫ့အၪ့လဲၩ့ထၪ့အၥၭဒဲ နဲၩ့ဎီၩ့ဂၭဂီၩ့ဂၭဆၫထၪ့နီၪ လၧခးပယၩ့ ဂၪ့ခိၪနဲၩ့ဎီၩ့ဆၧလၩ့အၪ့ယိၫ ဂဲၫလူဘံၭဆီၪ့ထၪ့ဂီၩ့ ထံၫဎိၩလၩ့ႇ လံၩမုလဖုၬဒဲ ဆၧဆၧၩ့ၡၩ ဆၧလဖၪၥံၪယီၩ ကဆုးကဲၪထၪ့ခိၪမၪခိၪမၪအကၠီၩ့ အၪ့ဎၬထယါထၬဝ့ၫဒၪနီၪလီၫႉ ၥံၪ့လမုၬလဖၪဒဲ ၥံၪ့ကျိၭၥံၪ ကဂဲၫလူၬပျီၩ့ခွံၬႇ ကနံၪ့ဒဲကနံၪ့ ဆၧခိကဂဲၫဆီၪ့ထၪ့ႇ ဆၧဆၧၩ့ကအၪနၭထၪ့တၭ လၧခးပယၩ့ဖၧၩ့ ၦခမျၧးၥံၪအၪမၬအဖၫ့ခိၪ နဲၩ့ဎီၩ့ဆၧလၩ့အၪ့ယိၫ ကဂဲၫထီၪ့ထၪ့ဝ့ၫဒၪ အဂဲးအဖးနီၪလီၫႉ

မွဲဆၧဘဲၫနီၪ ပခးပယၩ့ယီၩ ဆၧပဒၩ့ထၬဂၪ့ခိၪနဲၩ့ဎီၩ့ဒဲ ဘဲၫဂၪ့ခိၪနဲၩ့ဎီၩ့ဆၧလၩ့အၪ့ယိၫ ကလၩ့ၡၩထၪ့အဂး ထိစိၩဝ့ၫ ဆၧဂဲၩဝၭၥံၪလဖၪ ကျ့ၭမၩထၪ့ကၠၭယူၭနီၪလီၫႉ လမွဲဘၪနီၪ ပဂၪ့ခိၪနဲၩ့ဎီၩ့ယီၩ ကဆုးနၭထၪ့ဘဲၫၥ့ၪလဲၪနီၪ အထီလၧယၫဖိၪလံၩအဂး မွဲပအၪ့ဎၬထၪ့ လဘၧၫ့လၧၩ့ဘၪနီၪလီၫႉ