ကဆါဎြံၬလ့ၩဆၧလၧ ဝံး Jericho ဒဲ Jerusalem အခံၫ့ ဒၪခီၩ့လၧ( ဘာတီးမီးယူစ် )နီၪအကၠီၩ့ ၥၫ့ဎွၩ Leo ၁၄ ဂၩလဂၩ အၪ့န့ဆၧၥၭထိၬအပရၧၫ့ လီၩဖျီၪထၪ့ဝ့ၫ နီၪလီၫႉ (ဘာတီးမီးယူစ်) နီၪ မွဲဝ့ၫၦမ့ၬဘျီၪနီၪလီၫႉ (ဘာတီးမီးယူစ်) အမံၩ့အခီၫပယီၫနီၪ မွဲဝ့ၫ ဆၧလၩဆၧဖၩ့အီၪနီၪလီၫႉ(ဘာတီးမီးယူစ်) ယီၩ ကဆါဎြံၬကဘၠၩ့အ့ၪ အဝ့ၫ အမ့ၬၥၪအဂး ကိၭၡါထၪ့အလူၬ အၪ့က့ၩဆၧမၩဆၧၩ့လၧ ကဆါဎြံၬအီၪနီၪလီၫႉ ဆၧနီၪအကၠီၩ့ႇ ပအၪ့က့ၩကိၭၡါထၪ့ဆၧထီးလူၬနီၪ ကဆါဎြံၬ လနါဂၧၫ့ဘၪ အီၪနးကၠၪအ့ၬနီၪလီၫႉ ဘဲၫနီၪအၥိၭ ၦအမ့ၬၥၪဒၪဆၧလၥ့ၪဘၪ (ဘာတီးမီးယူစ်)လၧ ပလလၧၫ့ဎွ့ၩဘၪအီၪထီးလူၬနီၪ ပကဘၪ မၩဖျီၪထၪ့လၧ ကဆါဎြံၬအီၪနီၪလီၫႉ ဆၧအယီၩနီၪ ပကထိးဘၠၩ့ပၥၭအဂး မွဲဝ့ၫ အရ့ၩဎိၩထုၬနီၪလီၫႉ   ၦလၧဘၪဒၪလၧ ဆၧတတုၬတနၬၥံၪလဖၪ ကန့ထၪ့ဘၪ ကဆါဎြံၬအဆၧဘၠၩ့အဂး ကိၭဖံၭၥိၭထၬ ဎရံၬဖိၪၥံၪထီးလူၬ နီၪလီၫႉ ဆၧအယီၩနီၪ ကိၭနွ့ၫဒ့ၭ ပူၬတပၠါနံၩ ၥၫ့ဎွၩ Leo ၁၄ ဂၩလဂၩ ဒၪခီၩ့လိၬၥၭလၧ ၦခမျၧးၥံၪအခံၫ့နီၪ လီၩထၬဝ့ၫနီၪလီၫႉ