လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဆၧၡူၪဆၧမုၬကန့အဂး ဆၧဘၩဆိၪဖၪဒဲ ဖံၭဆၧမၩဆၧ ကဘၪအီၪ အဂဲးအကၠီၩ့နီၪလီၫႉ ပအီၪၥၭမၧၫ့ ဂၪ့ခိၪဖၧၩ့ကိၭနံၩနီၪ ပကဘၪအီၪလၧ ကၠဲၬလူကၠဲၬထၫႇ ပကဘၪနါဂၧၫ့ ကၠဲၬလူကၠဲၬထၫနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပကယိလၧ မုဆၫကနံၩယီၩနီၪစွါဘဲၫ ပဘၪနါဂၧၫ့ႇ ပဘၪဒၪ ဆၧမၩနၧၩ့မၩစၪ ဒဲ ဆၧဒူၭၥုၭထၪ့နီၪလီၫႉ ဆၧဒုၭၥုၭ အၪ့န့အလး အကၠီၩ့နီၪ ပဘၪဒၪဆၧၫ့ယၫႇ ပဘၪနါဂၧၫ့ဆၧလဂ့ၩဘၪ ကိၭနံၩနီၪလီၫႉ ဆၧနီၪအကၠီၩ့ ၦလၧအီၪဘၪ ဂ့ၩဂ့ၩဘၪဘၪ ကဒီၪ့နီၪ လ့ၩလၧ ၦဘၪထိးဆၧဒူၭဆၧၥံၪႇ ၦလၧဘၪအီၪဂူၫၥၭလၧ ၡိၭဖၧၩ့ၥံၪအီၪဂီၩ့ ဖ့ၪဂဲးဖ့ၪဘၭ အ့ၪအဝ့ၫၥံၪနီၪလီၫႉ နၥံၪဖ့ၪအ့ၪအဝ့ၫၥံၪ ဆၧပိၭဆၧလၫ့လန့ဘၪ အီၪၥၫဝ့ၫ လ့ၩဖ့ၪဂဲးဖ့ၪဘၭ အဝ့ၫၥံၪနီၪလီၫႉ
အနီမၬဆံၭ အဝ့ၫၥံၪ အဂဲးအဘၭ ကအီၪနီၪလီၫႉ ဆၧၡူၪဆၧမုၬ ကန့အဂး နၥံၪကဘၪကျ့ၭစၨၭမၩထၪဆ့ၧႇ နၥံၪကဘၪကြၨၭစၨ ချဲၩ့ထၪ့ဆၧအဂး ယအၪ့က့ၩအၪ့ယၫနၥံၪ နီၪလီၫႉ နၥံၪကိၭဂၩကျ့ၭစၨၭ မၩထၪ့ဆၧ ယံၩယံၩၡီၩ့ၡီၩ့စွါဘဲၫ နၥ့ၪကန့ထၪ့ဘၪ ဆၧၡူၪဆၧမုၬနီၪ အကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ