ကဆါဎြံၬ မၧၫ့ထၪ့ထဲၩ့ဂီၩ့ လၧဆၧလၩဖၩ့ဒဲ လ့ၩထၪ့လၧမူၭခိၪနီၪလီၫႉ ဆၧအဂဲးယီၩနီၪ မွဲဝ့ၫဒၪ ကဆါဎြံၬ ကဖ့ၪလၫ့အ့ၪပၧၩ ၥၭမုဆံၫ့ဎံၪအဂးနီၪလီၫႉ ကဆါဎြံၬ အၥီၪၥံၪလဖၪနီၪ စူၭကီၪ့ၥၭ အခံၫ့ ၥၭမုဆံၫ့ဎံၪနီၪဂဲၫလၩ့ဘဲၫၥိၭ လံၩနီၪလီၫႉ ၦလၧၥၭမဲၫဆၧၥံၪ ႇ ၦလၧဂဲးဘၭ လအီၪဘၪၥံၪအဂး ၥၭမုဆံၫ့ဎံၪနီၪ ဖ့ၪအ့ၪအဝ့ၫၥံၪ ဆၧအခိးအတၩနီၧလီၫႉ ဘဲၫနီၪအၥိၭ ႇ အၥီၪၥံၪလဖၪ ဒိၭန့ဘၪ ၥၭမုဆံၫ့ဎံၪ အခိးအတၩအကၠီၩ့နီၪ အဝ့ၫၥံၪ န့ထၪ့ဘၪ အခိးအတၩဂီၩ့ ကဖီၪ့ထၪ့ဖံၭထၪ့ဆၧမၩအဂး အဂဲးအဘၭအီၪနီၪလီၫႉ ၥၭမုဆံၫ့ဎံၪ ဖ့ၪအ့ၪပၧၩ ဆၧအခိးအတၩနီၪ မွဲဝ့ၫဒၪ ဆၧဖျါခွံၬ ဒဲ ဆၧၥ့ၪယၫနၫၥ့ၪနီၪလီၫႉ ၥၭမုဆံၫ့ဎံၪ အခိးအတၩအီၪအကၠီၩ့နီၪ ပန့ထၪ့ဘၪ ကဆါဎြံၬ ဆၧဖံၭထံၩဖံၭၥိၭနီၪလီၫႉ ဆၧနီၪအကၠီၩ့ ပကဒိၭန့ ၥၭမုဆံၫ့ဎံၪ အခိးအတၩစွါဘဲၫ  ပအီၪၥၭမၧၫ့ကိၭနံၩဖၧၩ့နီၪ ဆၧဖံၭထံၩဖံၭၥိၭ ကဂဲၫဂ့ၩထၪ့ဝ့ၫဒၪအကၠီၩ့ ၥၫ့ဎွၩ လ့ၫအိၫ ၁၄ ဂၩလဂၩ လီၩလၩ့တရၩ နီၪလီၫႉ