ဂဲၪထဲၩ့လၧဆၧမၩ ဖါကဂၩနီၪ ထဲၩ့ထီၩ့လၧအဂံၪ့အခံၪ့ အဖိၪခွၫအၪ့စၪ့ဆၧကမံၩ့နီၪလီၫႉ ဖါဖါယကအၪ့စၪ့နၩနးမံၩ့ အနီၪအခၪ အဖါလီၩထဲၩ့ အၪ့စၪ့ဘီၩဖိၪခွၫ ဖါဖါလ့ၩမၩဆၧမၩ ကနံၩနီၪထီးန့ဎွၩလဲၪႉ ဖါကဂၩလီၩထဲၩ့အဖိၪခွၫနီၪလီၫ အနီၪၦၡၩအဎိၩအဆၧမၩ ဘၪနီၪလဲၪနးဘၪအၪ့စၪ့ဆၧနီၪႉ ယမိၥံၪယၪနီၪဝ့ၫဖါဖါႉ ကနံၩနီၪန့ ကလါႉ အနီၪစွါဘဲၫ ဖ့ၪလၫ့ယၩ နးယဲထီၪဘဲၫႉ နမိမၩမန့လဲၪ နအီၪဖိၪၥၪအလးနီၪအီၪႉ ဖါကဂၩအဲၪလိၬအဖိၪခွၫနီၪလီၫႉ အဖိၪခွၫနီၪ အၥၭမုၬလၩ့အ့ၬ ဂီၩ့ ထဲၩ့လၧအလးမံၫနီၪလီၫႉ ဖါကဂၩအၪ့ဎၬထဲၩ့ဆၧဂီၩ့ ယၫ့ၥၭထဲၩ့အဖိၪနီၪလီၫႉ ဂီၩ့လ့ၩလၧ အဖိၪခွၫ အလးမံၪဂီၩ့ အဖိၪခွၫကမိမၩထီးနီၪ လၩ့ဖ့ၪလၫ့ဝ့ၫဒၪလီၫႉ အနီၪအခၪအဖိၪခွၫနီၪ ထုၬလၧအဝ့ၫစူၭထၬထီးနီၪဂီၩ့ ဖ့ၪလၫ့အဖါနီၪလီၫႉ ဖါဖါ ဖိၪခွၫအအီၪယီၩထီးအီၪ ကလါယူၭ ဖါဖါလ့ၩလၧဆၧမၩလဂ့ၩႉၥဲၪလၧဖိၪခွၫနးၥၪ့အီၪလၧအခွၫအနဲၩနးၥၪ့န့ဧၪဖါဖါႉ ဖါလဂၩနါဂၪ့အဖိၪခွၫအဆၧချဲၩဂီၩ့ အၥၭဘၪထံၭအၪမၬနီၪလီၫႉ အနီၪဂီၩ့ ဖီၪဝၬထၬအဖိၪခွၫဂီၩ့ အၪ့ယၪထဲၩ့အဖိၪခွၫနီၫလီၫႉ မွဲယူၭ ပကဲၪဖါလဂၩယီၩ့ ပဆၧမၩအၪလါနၫ့ ပဖိၪၥံၪအဂး ပကဖံၪလၫ့အခံၪ့နီၪ ၥၭနၫ့ဘၪလဂ့ၩနဲၪႉ ဘဲၪနီၪလဲၪစွါဘဲၫ အဝ့ၫၥံၪ အၥၭဆံၩ့ဒံၭအခံၪ့ ကမိမၩန့ မိဖါအဆၧအဲၪအၪမၬအကၠီၩ့နီၫလီၫႉ