ၥၫ့ဎွၩလ့ၫအိၫ (၁၄) ဂၩလဂၩ ဒၪခီၩ့လိၬၥၭလၧ ၦခမျၧးၥံၪအခံၫ့ လီၩလၩ့တရၩ အဂဲးအကၠီၩ့နီၪလီၫႉ အဝ့ၫစ့ၭဝ့ၫဒၪ ထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါဎြံၬ ၥိၩ့ထၬဆၧအဒီၩ့ထီးလူၬနီၪ ယအၪ့န့ မၩဒီၩ့ထဲၩ့ဂီၩ့ ယမိဖ့ၪဂဲးဖ့ၪဘၪ နၥံၪနီၪလီၫႉ ပအီၪၥၭမၧၫ့ဖၧၩ့ အခီၫပယီၫအီၪအ့ၬ ပဆီၫ့မီၫ့ဘၪစွါဘဲၫ ယၧၩဝ့ၫ ၦၡၩၥိၩ့ယၧၩန့အ့ၬ ပကစီၪလၩ့ပၥၭနီၪလီၫႉ

လါနၫ့ဂ့ၩ ပကဲၪၦၡၩကိၭဂၩနီၪ အခီၫပယီၫအီၪ ကိၭဂၩနီၪလီၫႉ ပကယိလၧ ဖၠၫဖၧၩ့စွါဘဲၫ ပကဒၪဘၪ ၦလၧလၩ့ဎွါ ဆၧမၩအီၪအၪမၬနီၪလီၫႉ ၦၡၩကအၪ့လံၩ့အဝ့ၫၥံၪအဂး ဘၪခိဆၧနီၪလီၫႉ လါနၫ့ ပၡၩၥိၩ့အဝ့ၫၥံၪအ့ၬႇ ၦၡၩအၪ့လံၩ့အဝ့ၫၥံၪလအီၪဘၪ နီၪလီၫႉ ဆၧလၧပမၩဆၧမၩနီၪ ပအီၪၥၭမၧၫ့အဂး မွဲဝ့ၫ ဆၧလၩဆၧဖၩ့ နီၪလီၫႉ ဆၧနီၪအကၠီၩ့ ပကဘၪယူၭယၫ့ ၦကိၭဂၩအဆၧလၩဆၧဖၩ့နီၪလီၫႉ မၭၥုၫ20: ဖၧၩ့နီၪ ၦမၩဆၧမၩလၧ ကဆါဎြံၬ စဘံၭကျိၬ ဆၧမၩဖၧၩ့ အဂဲးအဖး ပကနါဂၧၫ့ဘၪနီၪလီၫႉ ပကယိ ဆၧအဂဲးယီၩစွါဘဲၫ ဆၧလၧပကဲၪၦၡၩကိၭဂၩနီၪ အဎွ့ၩအီၪအကၠီၩ့ နဲၪဖျီၪထၪ့ဝ့ၫနီၪလီၫႉ ဆၧမၩဆါနီၪ ၦၡၩမၩဆၧမၩလၧ အဝ့ၫအီၪအဂး လၩ့ဎွါဆၧမၩဖိၪနီၪလီၫႉ ဘဲၫနီၪအၥိၭ ကဆါဎြံၬနီၪ ယိလါပၧၩကိၭကၠၪနီၪအကၠီၩ့ ဖ့ၪနဲၪထၬအ့ၪပၧၩနီၪလီၫႉ

ဆၧမၩဖိၪၥံၪဂဲၫမၩဆၧမၩလၧ အဝ့ၫ အီၪကဒီၪ့နီၪ ဂဲၫဂီၩဂီၩမွဲဂ့ၩႇ ဂဲၫစွံမွဲဂ့ၩ ကဆါဎြံၬအမ့ၪယၫနီၪ အဎွ့ၩအီၪကိၭဂၩနီၪလီၫႉ ၦၡၩကိၭဂၩ ကဘၪအီၪၥၭမၧၫ့ အဂဲးအကၠီၩ့နီၪ မွဲဝ့ၫ ဘၪလိၬဎွ့ၫဎီၩ့နီၪလီၫႉ ဆၧနီၪအကၠီၩ့ ပအီၪၥၭမၧၫ့ဖၧၩ့ ပကအီၪဘၪမုၬမုၬလၩလၩအဂး ဒဲ ပကလ့ၩဘၪလၧ ကဆါဎြံၬအီၪအဂး ကိၭဖ့ၭၥိၭပၧၩကိၭကၠၪနီၪအကၠီၩ့ ၥၫ့ဎွၩလ့ၫအိၫ (၁၄) ဂၩလဂၩ ဒၪခီၩ့လၧ ၦခမျၧးၥံၪအခံၫ့ လီၩလၩ့တရၩ ဘဲၫယီၩၥိၭအကၠီၩ့ ယရၩလၩ့န့အ့ဘၪနၥံၪနီၪလီၫႉ