လၧမြစ်ကြီးနားဝံးဖၧၩ့ ထံၫဎိၩလၩ့ဝ့ၫဒၪအကၠီၩ့ Fr. John La Raw အၪ့ယၫထၪ့ဘၪ ၡၩခမျၧးလဖၪ ကဂၩဒဲကဂၩ ကဝၩ့မၩဆၧၩ့ကၠၭလိၬၥၭဂီၩ့ ကခၫ့ထ့ၬခွံၬဆၧကၪဆၧဂဲၩလဖၪ အဂဲးနီၪလီၫႉ
မွဲလၧဆၧဆၧၩ့အကၠီၩ့ ထံၫဎိၩလၩ့ဝ့ၫဒၪယီၩနီၪ ကဲၪယံၩယါဝ့ၫဒၪအကၠီၩ့တၭ ဘဲၫကနံၪ့ဒၪအိၩအၥိၭ စီၪကၠၭဘၪ အီၪကၠၭဘၪ ဘျိၪဘျိၪလဂ့ၩႉ ကနံၪ့ဒၪအိၩထံၫဎိၩလၩ့အထီ ပအၪ့မၧၫ့ ၦၡၩၥုၭအီၪထၬကၠၭအလးလါနၫ့ စီၪဝ့ၫဘျိၪဘျိၪလီၫ စီၪဝ့ၫလၧထံၫကထဲၩ့လၩ့ထဲၩ့ဂီၩ့ လၥုၭအီၪကၠၭဘၪအလးအကၠီၩ့ ဖိၭဖၫ့မုလီးအခံၫ့မၬ ထံၫဂဲၫထၪ့အခၫ မ့ၪခီၫဂဲၫအ့ၬ မုခံၭၥၫ့နၩအဖၧၩ့ ပဒၪဆၧလၥ့ၪဘၪနးမံၩ့အကၠီၩ့ ဆၧကၪဆၧဂဲၩအီၪအၪမၬလ့ၬႉ
ဆၧနီၪအကၠီၩ့ ကနံၪ့ယီၩနီၪဘိၭ လၧဆၧပျၩ့ဒၪအခံၫ့ အ့ၪမွဲနၥံၪကဘၪၥုၭအလးလိၫနီၪ ၥုၭထၬဂီၩဂီၩအဂဲး ၥၫ့ခၫယီၩ ဆုးထဲၩ့ဆၫ့ထွ့ၫဘၪ ၡၩခမျၧးလဖၪဒံၭနီၪလီၫႉ
ဆၧဆၧၩ့ဎိၩဝ့ၫဒၪအကၠီၩ့ အ့ၫယၫဝတံၫထံၫချိၬဖၧၩ့ထံၫဂဲၫထၪ့ဂီၩ့ ကခၠ့ၫဆၨၩခးဒီၪ့ မြစ်ကြီးနားဝံးဒဲ အနဲၩ့အဎီၩ့ဒိၩ့မုတဝၫ့လဖၪနီၪ ထံၫဎိၩလၫ့နီၪလီၫႉ ဆၧနီၪအကၠီၩ့ အလးလနၩ့နၩ့ၦၡၩလဖၪ ဘၪလီၩ့ၥုၭအီၪကၠၭလၧ အဖီၩ့ဖျ့ၭအလးလဖၪနီၪလီၫႉ
ပဘၪဒၪဆၧၫ့ယၫလၧ ဂၪ့ခိၪလုၫလါအဆၧလၩ့အၪ့ယိၫအခံၫ့ ကဂၩဒဲကဂၩ ပကဘၪဝၩ့မၩဆၧၩ့လိၬၥၭဂီၩ့ ပကဘၪခၫ့ဂၬခွံၬအဂဲး Fr. John La Raw ယီၩ ဖ့ၪဂဲးဖ့ၪဘၭဘၪ ၡၩခမျၧးဖိၪၥံၪ ဘဲၫယီၩၥိၭအဂဲး ပန့ဘၪဆၧပရၧၫ့ယီၩ လၧRVA Myanmar Service ဆၧပရၧၫ့အဖၧၩ့နီၪလီၫႉ
နးအဲၪဖီၫဘွၩ