နံၪ့၂၀၂၅နံၪ့ လၩမ့ၫ၂၇ၥၫ့ ထီၩ့စိၩလၧ ၂၉ၥၫ့အထီနီၪ Social- Pastoral ခရၧၫ့ဖိၪၥံၪ လ့ၩခိၪလ့ၩနါ မၩကဲၪထၪ့ၥဖၠး ဘၪထွ့ၫလၧ ခရၧၫ့ လဖၪနီၪ ကကဲၪထၪ့ကၠီၪ့ဖျီၩ့ဘၪဘၪအဂး ပကဘၪမၩဝ့ၫဒၪဘိၩၥ့ၪလဲၪ အဂဲးနီၪလီၫႉ

ၥဖၠးနီၪ မၩဝ့ၫဒၪလၧဝံးတခိၩ့CBCMလးဝၩ့ဖၧၩ့နီၪဂီၩ့ တခိၩ့ဆၧအီၪ ကီၪ့ႇ တီၫ့ငူၫဆၧအီၪကီၪ့ ဒဲ တီၫ့ကၠံၩဆၧအီၪကီၪ့ဖၧၩ့ ၥၫ့မုၥၫ့ခၫ ၁၈ဂၩ ဂဲၫထၪ့ဝ့ၫဒၪနီၪလီၫႉ

ၥဖၠးအဆၧထိစိၩနီၪ ခရၧၫ့ၥံၪလဖၪ ဘိၩၥိၭကအီၪထၪ့လၧကၠီၪ့ဖျီၩ့ ဘၪဘၪအဂးနီၪလီၫႉ ကကဲၩ့ဒဲကကဲၩ့ ကအိၭလိၬၥၭ ဘၪလိၬဎွ့ၪဎီၩ့ လိၬၥၭမၬ ခရၧၫ့နီၪ ကကဲၪထၪ့ခရၧၫ့လၧ ကၠီၪ့ဖျီၩ့ဘၪဘၪနီၪလီၫႉ

ခရၧၫ့အဖၧၩ့ ခိၪနါအဆၫ့ႇ အကျၩအဆၫ့ ဒဲ အဆံၭထုၬအဆၫ့ ဘဲၫနီၪအီၪဝ့ၫဒၪလီၫႉ ဆၧအဆၫ့လဖၪယီၩနီၪ ဘၪကကၠၪကၠၪ အလးအ ကျဲၩ့ဘၪမၪမွဲကအီၪဆ့. လါနၫ့ဂ့ၩနီၪ ကဂၩဒဲကဂၩ အ့ၪပအီၪယံၩယံၩ ၡီၩ့ၡီၩ့မၬ ပခရၧၫ့ယီၩ မွဲကလ့ၩထၪ့လ့ၩထီၫနီၪလီၫႉ

ပကဲၪအဎိၩအကၠီၩ့ ပၧၩမၬ ပမၩဆၧနီၪဘၪ ၦၡၩတခၩကမၩ ဆၧနး မံၩ့ ကဲၪထၪ့ဆၧဘၪမၪကိၭမံၩ့ အ့ၪမွဲပကဒၪလၩ့ပၥၭန့ၫအဂ့ၩလီၫဂီၩ့ ပက လီၩ့ဒၪၦၡၩ လၧအအၧၩ့ကကဲၩ့ခီၫလီၫစွါဘဲၫ ခရၧၫ့ယီၩမွဲကလ့ၩထၪ့လ့ၩ ထီၫအ့ၬႉ

ဆၧနီၪအကၠီၩ့ ပကဘၪၥ့ၪယၫနၪၥ့ၪလၩ့ပၥၭဂ့ၩဘၪစဲၪ့ ပကဘၪထုၪ့ လၩ့ပၥၭဂ့ၩဘၪစဲၪ့ႇ လၧပဂူၫဂၩအဖၫ့ခိၪဆ့ မွဲပကဘၪနၪၥ့ၪအ့ၪဂီၩ့ ပက ဘၪမၩဎိၭလၩ့ ဆၧဖံၭဆၧမၩ လၧဆၧဘၪလိၬဎွ့ၪဎီၩ့အဖၧၩ့နီၪလီၫႉ အနီၪ မၬခရၧၫ့ယီၩ ပစံၭလၧ ကၠီၪ့ဖျီၩ့အီၪဝ့ၫဒၪ ခရၧၫ့ကန့နီၪလီၫႉ

နးအီၪဖီၫဘွၩ