နံၪ့၂၀၂၅နံၪ့ လၩမ့ၫ၂၆ၥၫ့နီၪ ၦၡၩမၩလၩမၩဖၩ့ Laudato si ဂၪ့ခိၪနဲၩ့ ဎီၩ့ ကကဲၪထၪ့ လးၥံၫ့ဆ့ၬအဂး ထၪ့ဘၭ၁၀နံၪ့ ဆၧနၪ့ထၪ့နီၪလီၫႉ ၦၡၩ မၩဝ့ၫဒၪအလးနီၪ မွဲလၧဝံးတခိၩ့ ကန်သာယာ ဆၧဖ့ၪနဲၪဆၧဂၩ့မၧၫ့ရိၫ့နီၪ လီၫႉ
အဆိၪထုၬနီၪ ဝဲထၪ့ဘၪ ဆၧထံၫလၩ့ဒီၪလၩ့ယီၩလၧ အမံၩ့မွဲဝ့ၫ The Letter ဂၪ့ခိၪနဲၩ့ဎီၩ့အဂဲး ဆၧဂၩ့မၧၫ့နီၪလီၫႉ ဆၧထံၫလၩ့ဒီၪလၩ့ယီၩ အဖၧၩ့ ကမိဖ့ၪလၫ့စိၩဝ့ၫဆၧချဲၩ့နီၪ မွဲဝ့ၫဒၪလၧ ဘဲၫၥိၭဂၪ့ခိၪနဲၩ့ဎီၩ့ ကၥံၫ့ ဆ့ၬထၪ့ထဲၩ့အဂးနီၪ ၦၡၩကိၭဂၩ ပကဘၪမၩလၩ့ဎိၭကၠၭ ပကဘၪဝၩ့ပၧၩ့ ထၬအဂဲးနီၪလီၫႉ
Laudato si ဂၪ့ခိၪနဲၩ့ဎီၩ့ ကကဲၪထၪ့လးၥံၫ့ဆ့ၬအဂး ဆၧဖံၭဆၧမၩ ယီၩနီၪ မွဲလၧၥၫ့ဎွၩဖရၫ့စံၭ ဂဲၫထဲၩ့စၭထၪ့ မၩကဲၪထၪ့ထၬဝ့ၫဒၪနီၪလီၫႉ မုဆၫကနံၩယီၩနီၪဘိၭ ဆၧဖံၭဆၧမၩအယီၩနီၪ အီၪထၪ့ဘၭဝ့ၫဒၪ(၁၀) နံၪ့ယူၭနီၪလီၫႉ
ၦလၧအဂဲၫထၪ့ ဆၧထံၪလၩ့ဒီၪလၩ့လဖၪယီၩနီၪ မွဲဝ့ၫဒၪ ၥၫ့ခိၪဒိၪ လဖၪႇ ၥၫ့မုၥၫ့ခၫလဖၪႇ မံၭထၭမုၪလဖၪႇ ၦဆူနဲၩဖိၪလဖၪႇ ပထၧၫ့ဖုဝဲ ဎြံၬဖိၪၥံၪလဖၪႇ ၦမၩဎိၭလၩ့ဆၧခရၧၫ့ဖိၪလဖၪဒဲ ၦၥၭအွံၪဆၧဖိၪလဖၪ ဂဲၫပၫဝ့ၫဒၪနီၪလီၫႉ
နးအဲၪဖီၫဘွၩ