ပခွံၬၡိၬဆၧဘံၪၥိၭလၧ ထံၫကၠီၪ့ဖၧၩ့နီၪ ဆၧအအၧၩ့ဂဲၫကဲၪထၪ့ၥ့ၪ ၥၧၫ့ထံၪကထံၪနီၪ အစီၩ့နၧၫ့မုၬအၬႇ ထံၫကၠီၪ့ဖၧၩ့ ဆၧဘံၪၥိၭအီၪအကၠီၩ့ နဲၩ့ဎီၩ့နးဆ့ မွဲလံၩအဆံၫ့အဖျ့ၪ ကန့အ့ၬဂီၩ့ ကနၧၫ့ဝ့ၫအၪမၬလီၫႉ မွဲဆၧဘဲၫနီၪ ကဂဲၫဘၪထံၭဆၫထၪ့ ၡၩခမျၧးအဆီၪ့ ဆၧချဲၪ့နီၪလီၫႉ
လၧခဲၫ့ကထံၪနီၪ ဆၧဆၧၩ့ခၫအထီ ထံၫကဎိၩႇ ဆၧအယီၩမွဲအၧၩ့နၭထၪ့ဝ့ၫဒၪ ဆၧကၪဆၧဂဲၩကမံၩ့လီၫႉ ထံၫကၠီၪ့လဖၪ ဘၪဘံၭထၬလၧ ဆၧဘံၪၥိၭအကၠီၩ့ ထံၫဎိၩလၩ့ဂီၩ့ အလးကနၩ့နၩ့ ဘၪဒၪဎီၩ့ဆၧယၫ ဆၧနိၪ့ဆၧနါအၪမၬနီၪ မွဲပကၥ့ၪယၫကိၭဂၩလီၫႉ
မွဲဆၧဘဲၫနီၪ ဆၧချဲၩ့ဒီၩ့အီၪထၬဝဲၩမွဲဝ့ၫ “အမှိုက်ကစ ပြဿာဒ်မီးလောင်” အၥိၭ ပစီၪဘၪ မွဲဆၧနးမံၩ့အ့ၬ စၭထၪ့လၧ ဆၧခွံၬၡိၬဆၧဘံၪၥိၭနီၪ ၦၡၩဒဲ ဆၧဖိၪဆၧဎါလဖၪ ဘၪဖ့ၪလၫ့လၩ့အၥၭ အၪမၬယူၭတၭ ပကအီၪက့ၪဒိၪ ၡၩအလူအဎွ့ၩဂီၩ့ ပကဘၪခွံၬၡိၬကၠၭဆၧဘံၪၥိၭလၧ အလးဒၪအလးနီၪ မွဲၦမူၩဒၩအီၪဝ့ၫကိၭဂၩအကၠီၩ့ ဘၪပဂၨၪထၪ့ဘၪနၥံၪလၧ ဆၧအဲၪကွံၩနဲၩ့ဎီၩ့ဎိၩဒိၪအဖၧၩ့နီၪလီၫႉ မွဲနၥံၪကဖီၩ့ဖျ့ၭဝ့ၫဒၪလၧ နဲၩ့ဎီၩ့အဆၧလၩ့ အၪ့ယိၫကိၭဂၩဒ့ၭလါဆံၭႉ