ၥၫ့ဎွၩဒိၪလေအို(၁၄)ဂၩလဂၩယီၩ ဒၪခီၩ့လိၬၥၭလၧၦဎြံၬဖိၪ ဆၧအီၪ ကီၪ့ကိၫစၩလဖၪဒဲ ဆၧဘိၪ့ဆၧဘၩဂူၫဂၩ အကိၫစၩလဖၪအခံၫ့ ဘဲၫၥၫ့ဎွၩဒိၪဖရၫ့စံ ဂဲၫထဲၩ့မၩထၪ့ထၬအီၪဝဲၩအၥိၭ ဆၧဘိၪ့ဆၧဘၩကိၭ ဖုၫဒ့ၭနီၪကြၨၭကဲၪဝ့ၫဒၪ ဘဲၫထၧၫ့ဖုဝဲၥိၭအဂဲး ၥၫ့ဎွၩဒိၪလေအို(၁၄)ဂၩ လဂၩယီၩ စံၭဘၪဝ့ၫလီၫႉ
ဆၧဘိၪ့ဆၧဘၩလဖၪ ကကၧၩ့ဖျိၪ့ထၪ့ၥၭဒဲဆၧကၩ့ကၩဎိၭလၩ့ဆၧ နံၫမံၩ့လူၬနီၪ ၥၫ့ဎွၩဖရၫ့စံ ဂဲၫထဲၩ့မၩထၪ့ထီၫထၬဝ့ၫအဂဲး အဝ့ၫယီၩဆုး ထဲၩ့စံၭဝ့ၫလီၫႉ
အကၧၩ့ဒိၪထုၬနီၪဘိၭ ၡၩအဆၧဆုးကျိၭလိၬၥၭႇ ဆၧအီၪကီၪ့ အဆၧ ၥီၪ့ဆၧၥၫ့လဖၪနီၪ ပလကြၨၭအီၪပဲၩခွံၬဘၪနးမံၩ့ဂီၩ့ ပကဘၪခိၭနၪဒဲ ဆၧဘိၪ့ဆၧဘၩထီးလူၬနီၪ ကဘၪကၧၩ့ဖျိၪ့ထၪ့အၥၭ လဖျိၪ့ဎးနီၪလီၫႉ
ပကအီၪက့ၪဒိၪအဝ့ၫအဆၧအုၩ့လၩ့အဂး မွဲကဆါယွၩဆိၪဂ့ၩဆိၪ ဘွၩလၩ့ပၧၩဆံၭႉ