ၦဆံၫ့ဎံၪ Pedro Calungsod အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Pedro Calungsod အဂဲးအကၠီၩ့နီၪလီၫႉ ၦဆံၫ့ဎံၪ Pedro Calungsod ယီၩ အီၪဖျဲၪလၧ နံၪ့ (1654) နံၪ့ လၧ ခး Philipine နီၪလီၫႉ အဝ့ၫယီၩ မွဲဝ့ၫ ခး Span Jesuit ခရၧၫ့ ၦမၩၥၫထနၫဆၧမၩ ဆရၫကဂၩနီၪလီၫႉ အဝ့ၫယီၩ လ့ၩမၩၥၫထနၫဆၧမၩလၧ Lantalawnit ကျိၩ့ လၧၥၫ့ခၫၥံၪကၠၧၫ့ကၠၧၫ့နီၪလီၫႉ
ၦဆံၫ့ဎံၪ Pedro Calungsod ယီၩ အဆၧဆူၩနဲၩဂၧးခၧၫ့ အီၪအၪမၬဒ့ၭဂီၩ့ ဖ့ၪအ့ၪၦၡၩ ဆၧၥူၪဝၭစကြမၫ့တူၩန့ဝ့ၫဒၪနီၪလီၫႉ လါနၫ့ လၧကျိၩ့နီၪ ၦအစီၩ့အမၩ့အီၪ တရူၭဆၨၩ့ဖိၪၥံၪနီၪ ၥၭခ့ၬဆၧလၧ အဝ့ၫၥံၪအဖၫ့ခိၪနီၪလီၫႉ လကၭဒ့ၭဘၪ ၥၫ့ခၫဒဲ ဆရၫနီၪဖ့ၪအ့ၪၦၡၩ ဆၧၥူၪဝၭစကြမၫ့တူၩ ထံၫဖၧၩ့နီၪ အဝ့ၫၥံၪထံၭလၩ့ထၬ အစုၪနီၪအကၠီၩ့ တရူၭဆၨၩ့ဖိၪၥံၪ စံၭန့အဝ့ၫၥံၪ ဘဲၫယီၩၥိၭနီၪလီၫႉ လကၭဒ့ၭဘၪ ကမၩၥံၫအဝ့ၫၥံၪအဂး စၭထၪ့ ကိၪ့တဲၩ့အဝ့ၫၥံၪနီၪလီၫႉ ဆၧနီၪအကီၠၩ့ နံၪ့ (၁၆၇၂) နံၪ့နီၪ ၦဆံၫ့ဎံၪ Pedro Calungsod ဒဲၥၫ့ခၫၥံၪ ထီးအလူၬ တရူၭဆၨၩ့ဖိၪၥံၪ မၩၥံၫခွံၬဂီၩ့ ခွံၬလၩ့ဝ့ၫလၧ ပၪ့လဲၪဖၧၩ့နီၪလီၫႉ
ဆၧနီၪအကၠီၩ့ ဆၧအတီၩအလီၩ့ဒဲ ဆၧပရၧၫ့အဂ့ၩ ပတရါလၩ့စွါဘဲၫ ပကဒၪဘၪ ဆၧကၪဆၧဂဲၩႇ ပကဘၪထိး ဆၧမၩနၧၩ့မၩစၪႇ ပကဘၪထိးဆိၫခွံၬပၥၭနီၪလီၫႉ လါနၫ့ ၦဆံၫ့ဎံၪ Pedro Calungsod ဒဲၥၫ့ခၫၥံၪယီၩနီၪ ၥၫထနၫဆၧမၩအဂးႇ ခရံၬဖိၪၥံၪအဂးႇ ဖ့ၪလၫ့လၩ့ၥၭ ထီးအလူၬနီၪအကၠီၩ့ ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬႇ မွဲနၥံၪလၧၫ့ဎွ့ၩဝ့ၫၪလၧ ကဆါယွၩ အဆၧအဲၪဆၧကွံၩလါဆံၭႉ
