မွဲယူၭ ထၧၫ့ဖုဝဲၥံၪဧ့ အ့ၪပမၩန့ပမၪယူၭစွါဘဲၫ ပမၪအဂး ဆၧအဂံၩထုၭ ပကဘၪမၩအ့ၪမန့လဲၪ ပကဘၪအၪ့ဎၬထၪ့ထၬနီၪလီၫႉ လၧပဂံၪ့အနဲၩ့အဎီၩ့ ၦဂူၪဂၩလဖၪ လီၩ့ချဲၩ့ပမၪ အဂဲးဆါဘၭဆါစွဲဘဲၫ ပကဘၪပဒၩ့ထၬပမၪ ပၥံၪလဲၪနီၪ ပခိၪနူၭဖၧၩ့ပကဘၪအၪ့ဎၬထၬလိၪဝ့ၫနီၪလီၫႉ အ့ၪပမၪယီၩ ၦဂူၪဂၩ လမွဲဘၪ ပဂံၪ့နဲၩ့ဎၫ့နဲၩ့ၦၡၩလဖၪ လီၩ့ချဲၩ့အဝ့ၫ အဂဲးဆါဘၭဆါအခံၪ့ ပကဲၪဝၩလဂၩယီၩ ပမၪအဂး အ့ၪပလၧပဒၩ့ထၬလန့ဘၪစွါဘဲၫ ပကဘၪအၪ့ဎၬလၩ့ထဲၩ့ပၥၭနီၪလီၫႉ ယၩယီၩ ယမၪအဂး ယကဲၪဝၩအဂံၩကဂၩဧၪႉ ယမၪန့ယမၪနီၪဂီၩ့ယူၭ ယမၪကဂၩအဂး ယကဲၪဝၩလဂၩယီၩ ယပဒၩ့ထၬယမၪန့အ့ၬဧၪႉ ပကဘၪအၪ့ဎၬယိထံၪထံၪနီၪလီၫႉ ပအဲၪအကၠီၩ့ ပမၪန့ထၬ ပမၪယီၩနီၪ ၦဂူၪဂၩလီၩ့ချဲၩ့အဝ့ၫအဂဲးဆါဘၭဆါန့အ့ၬႉ အ့ၪၦဂူၪဂၩအ့ၪဂဲၪလီၩ့ချဲၩ့ပမၪစွဲဘဲၫ ပကဘၪအီၪလၧပမၪအနဲၩဂီၩ့ ပကလီၩ့ဆၧၫ့ထဲၩ့အဝ့ၫၥံၪနီၪလီၫႉ ဘၪနီၪလဲၪစွါဘဲၫ ပမၪအဂးနီၪ ပကဖ့ၪလၫ့အ့ၪ ဒၪဆၧအဂံၩထုၬလဖၪနီၪလီၫႉ ပမၪအဂးပဖ့ၪလၫ့ဆၧအဂံၩထုၬလန့ဘၪစွါဘဲၫ ပလမၩန့ဘၪပမၪနီၪ မငါထူၭလီၫႉ