လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪ ယူၭယၪ့ ဆၧကိၪ့ဘၪကိၪ့ၥ့ၪ ဆၧမၩလိၪ အခွးအယါ အဂဲး အကၠီၩ့နီၪလီၫႉ ဂၪ့ခိၪဖၧၩ့ ဆၧတတုၬတနၭ အီၪအမံၩ့မံၩ့နီၪလီၫႉ လါနၫ့အထီဘဲၫယီၩ အရ့ၩဎိၩထုၬ ပဒၪဘၪ ဆၧတတုၬတနၭနီၪ မွဲဝ့ၫ ဆၧကိၪ့ဘၪကိၪ့ၥ့ၪ ဆၧမၩလိၪ အခွးအယါ လၩ့မၬခွံၬနီၪလီၫႉ ဂၪ့ခိၪဖိၪၥံၪ ဘၪဒၪဆၧၫ့ယၫ ဆၧၡၪ့ဆၧနါနီၪကမံၩ့ႇ ဘၪဒၪဆၧၫ့ယၫ ဆၧဒုၭကဲၪထၪ့ကမံၩ့နီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ အဝ့ၫၥံၪ ကမၩလိၪ ဆၧကိၪ့ဘၪကိၪ့ၥ့ၪအဂး အခွးအယါလၩ့မၬခွံၬနီၪလီၫႉ ဆၧလၧဆၧကိၪ့ဘၪကိၪ့ၥ့ၪနီၪ ဖိၪၥၫဒဲ ၥၭဘၪ့ဖိၪၥံၪအဂး မွဲဝ့ၫဆၧယိလါနီၪလီၫႉ ပမၩလိၪထၬ ဆၧကိၪ့ဘၪကိၪ့ၥ့ၪ န့စွါဘဲၫ ၦလၧဘၪထိး ဆၧကၪဆၧဂဲၩၥံၪႇ ၦလၧ ဘၪထိးအီၪက့ၪပဲၩခွံၬၥၭၥံၪႇ ၦလၧ ဘၪထိးမၩနၧၩ့မၩစၪၥၭၥံၪအဂး  ပမၩဆၧၩ့ကန့ကိၭမံၩ့နီၪလီၫႉ လကၭဒ့ၭဘၪႇ ဆၧလၧပမၩလိၪ ဆၧကိၪ့ဘၪကိၪ့ၥ့ၪကမံၩ့နီၪ  ထီလၧယၫအဂး ကကဲၪထၪ့ ဆၧအဂ့ၩကိၭမံၩ့နီၪလီၫႉ  

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧပကဲၪၦၡၩနီၪ ဆၧကိၪ့ဘၪကိၪ့ၥ့ၪ ဆၧမၩလိၪအီၪမၬ လဂၩဘၪလဂၩ  ပကမၩဆၧၩ့လိၬၥၭႇ ပကယူၭယၪ့လိၬၥၭကန့ဝ့ၫဒၪနီၪလီၫႉ ဆၧနီၪအကၠီၩ့ ဂၪ့ခိၪဖိၪၥံၪကိၭဂၩယီၩ  ကဘၪယူၭယၪ့ ဆၧကိၪ့ဘၪကိၪ့ၥ့ၪ ဆၧမၩလိၪ အခွးအယါ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ  ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ  ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ

https://youtu.be/UK_VBoHzy1E

Leave a Reply

Your email address will not be published. Required fields are marked *