အဝ့ၫအၥၭအီၪ၅နံၪ့နီၪ အဖါၥံၫဒၪခွံၬအဝ့ၫႉ အဝ့ၫအၥၭအီၪ ၁၆နံၪ့နီၪ ဘၪစဲၪ့ထၪ့ခွံၬ ဆၧမၩလိၪႉ အဝ့ၫအၥၭအီၪ ၁၇နံၪ့အခံၫ့နီၪ ဘၪထိးစဲၪ့လၫ့အၥၭ ဆၧမၩအီၪ၄မံၩ့ယူၭႉ အၥၭအီၪ၁၈နံၪ့အခံၫ့နီၪ ထၪ့ၡါလၩ့ဖၩႉ အၥၭအီၪ၁၈နံၪ့၂၂အထးဖၧၩ့ မၩဆၧမၩလၧ ဘၪဖ့ၪ နဲၪ လဲၪ့မ့ၪဖၧၩ့ၥၭဂီၩ့ ဘၪထိးစဲၪ့လၫ့ခွံၬၥၭဆၧမၩႉ လၧခဲၫ့ အဝ့ၫယီၩ ကမိထၪ့ဆၧမၩလိၪလၧ ၥနိၫ့ဆၧမၩလိၪလးလါနၫ့ ဆၧထိးဆၧၫ့အဝ့ၫအ့ၬႉ မၩဆၧမၩလၧ ဆၧနဲၩန့ထိးၥၭကၫ့မနံၫ လါနၫ့ ဘၪထိးစဲၪ့လၫ့ၥၭဆၧမၩႉ အၥၭအီၪ၁၉နံၪ့အထီ ကဲၪထၪ့ဖါလဂၩႉ အၥၭအီၪ၂၀အခံၫ့ အမၫနီၪခွံၬၡိၬထးအဝ့ၫဂီၩ့ အဖိၪဒဲအမၫနီၪ စဲၪ့လၩ့ခွံၬလၧဂံၪ့ဖၧၩ့ႉ ဘၪလၩ့ဖၭလၧအမၫ အခံၫ့ အဝ့ၫယီၩ လ့ၩအၪ့ဂူၪထဲၩ့အဖိၪမုၪ လါနၫ့နၧၩ့အ့ၬႉ အနီၪဘိၭအဝ့ၫယီၩ ချဲၩ့မၩမုၬအမၫ အၥၭ လအိၩလယီၩဂီၩ့ ထဲၩ့ကိၭထဲၩ့အမၫ န့နီၪလီၫႉ
ဂီၩ့နီၪအဝ့ၫယီၩ နုၬလၩ့လၧၥုၭဖၧၩ့ႉ အခံၫ့နီၪဒၪအိၩ အဝ့ၫယီၩ ဘၪဆၧပွံၩဆၧထၩ့ၥၭ နၬမၬလ့ၬႉ အၥၭထၪ့ဘၭ ၆၅နံၪ့အခံၫ့နီၪ အီၪပွံၩခွံၬဆၧမၩနီၪလီၫႉ အဝ့ၫအီၪပွံၩဆၧမၩအဆိၪ ထုၬကနံၩနီၪ လၧခးဒိၪအအီၪ အဝ့ၫန့ဘၪထီး၁၀၅ဒီၫလၫနီၪလီၫႉ အဝ့ၫယီၩ ယိထၪ့ထီး နီၪဂီၩ့ အၥၭဘၪထံၭဆၫခိၬနီၪလီၫႉ ဘၪန့လဲၪ အဝ့ၫစီၪဘၪအၥၭ ခးဒိၪယီၩ စီၪအဝ့ၫဘဲၫ ၦလအိၭထိၬ ဘၪဆၧအၥိၭအကၠီၩ့နီၪလီၫႉ အဝ့ၫအဆၧၥၭမၧၫ့ထၧၫ့ဖျီၩ့ယၫနီၪ ဎွ့ၩလၩ့ဝ့ၫဒၪ လၧ ဆၧအစၪနီၪလီၫႉ
အဝ့ၫယီၩ စီၪလၩ့အၥၭ ဆၧၥၭမၧၫ့နီၪ မွဲလကြၨၭဘၪလၧအဝ့ၫအကၠီၩ့ ကထိမၩၥံၫ လၩ့အၥၭနီၪလီၫႉ အဝ့ၫလချူၭမၩၥံၫလၩ့ဘၪအၥၭနီၪ ကကွ့ၭလၩ့ထး လံၬဆၧၥံၫဘနီၪအခၫ အဝ့ၫအၪ့ဎၬလၩ့အၥၭ အဆၧၥၭမၧၫ့ဖၧၩ့ ဆၧမၩနၧၩ့ခၫ့ဖျီၪ့ မန့လဲၪအီၪလဲၪအဂဲးနီၪလီၫႉ အၪဒၪဆၧအဝ့ၫယီၩ ဒၪထၪ့မွဲဆၧအစၪလဖၪနီၪလီၫႉ လါနၫ့ အဝ့ၫဒၪထၪ့ အဆၧဂဲးဆီၪ့ ကမံၩ့နီၪ အဝ့ၫယီၩ ကဘၪအၪ့ဖီၪ့ၥၧၫ့ပၥ့ၪလဲၪနီၪ ၥ့ၪယၫဝ့ၫဂ့ၩဘၪစဲၪနီၪလီၫႉ အခၫနီၪ အဝ့ၫယီၩ အၪ့လီးၦၡၩထီး ၈၇ဒီၫလၫဂီၩ့ လ့ၩအၪ့ဎွ့ၩဆၫ့ယၪဒဲဆၧပိၭဆၧလိၬလဖၪဂီၩ့ လီၩ့အၪ့ဆၫ အဆၫ့ယၪဆ့ၭနီၪ လၧအနဲၩ့အဎီၩ့အလးလဖၪနီၪလီၫႉ
အဝ့ၫယီၩအၥၭအီၪ ၆၅နံၪ့အခံၫ့ မွဲလၧကမိမၩၥံၫလၩ့အၥၭ ၦၡၩလဂၩနဲၪႉ လါနၫ့ ၥုၭဖိၪအလံၩ Sanders နီၪ စၭထၪ့အၪ့ဆၫ Kentucky Fried Chicken (KFC) ဆၫ့ယၪဆ့ၭဂီၩ့ အၥၭအီၪ ၈၈နံၪ့အခံၫ့နီၪ ကဲၪထၪ့ ဘီလီယံနာ ၦၥထံၫဖၭဒိၪကဂၩနီၪလီၫႉ
KFCဆၧကဲၪဒိၪယီၩ ဖ့ၪလၫ့ပၧၩ ဆၧမၩလိၪနီၪဘိၭ ပကမၩထၪ့ ဆၧဖံၭဆၧမၩ ကမံၩ့ မံၩ့အဂး အခံၫ့စွံဘနီၪ အီၪနးဆိၬအ့ၬႉ
လၧခဲၫ့ကမံၩ့နီၪဘိၭ ပဆၧဂဲးဆီၪ့ဘၭဆီၪ့အီၪ မန့ လဲၪနီၪ ပကဘၪၥ့ၪယၫနၪၥ့ၪ လၩ့ထၬပၥၭဂီၩ့ ပဘၪဒၪဆၧၫ့ယၫလၧ ဆၧကၪဆၧဂဲၩလါနၫ့ ပလကြၨၭထိးစၪခွံၬဘၪပၥၭဒဲ ပကဘၪမၩနၧၩ့ထဲၩ့ ပဆၧကၪဆၧဂဲၩလဖၪနီၪလီၫႉ
ဆၧမၩနၧၩ့ခၫ့ဖျီၪ့အဂး လၧပအီၪယီၩ ဆၧကအီၪကမံၩ့မံၩ့နီၪလီၫႉ ထီလၧယၫ ပဆၧထိစိၩအဂး ပဆၧမၩနၧၩ့ခၫ့ဖျီၫ့အဂး ပၥၭၡါလၨၪယူၭဘနီၪ အီၪနးဆိၭအ့ၬထံၩၥိၭၥံၪဧ့ႉ
မူရင်းရေးသူအား လေးစားစွာဖြင့်