လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဂံၪ့ဒီၪ့ဖိၪၥံၪထီးအလူၬ ကဘၪဒိၭနဲၩ ၥၭမုဆံၫ့ဎံၪအဂဲး အကၠီၩ့နီၪလီၫႉ ဂံၪ့ဒီၪ့ဖိၪၥံၪယီၩ လဂၩဘၪလဂၩ ကအီၪဘၪမုၬမုၬလၩလၩအဂး ကဘၪအၪ့န့ၥၭမုဆံၫ့ဎံၪအခိးအတၩ ကဘၪအၪ့က့ၩဘၩဆိၪဖၪ ၥၭမုဆံၫ့ဎံၪနီၪလီၫႉ ဆၧလၧဂံၪ့ဒီၪ့ဖိၪၥံၪနီၪ ထၪ့ၡါလၧ ကၠဲၬအမ့ၬယၫ ဒဲ လၧၦၡၩအမ့ၬယၫနီၪလီၫႉ ကဆါကၠဲၬ ဒိၭအီၪဎုၬ ၦထၪ့ၡါၥံၪလၧ ၦဂူၫဂၩအမ့ၬယၫနီၪ ပကိၭဝ့ၫလၧ ဆၧအီၪဎုၬ စကြၫမ့ၫတူၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဘၪထွ့ၫလၧ ၦထၪ့ၡါ အဂဲးအဖးနီၪ လံၬဆံၫ့ဎံၪဖၧၩ့ ကဆါကၠဲၬ ၥီၪ့ၥၫ့ထၬဆၧ ဘဲၫၥ့ၪလဲၪနီၪ ပကၥ့ၪယၫကိၭဂၩနီၪလီၫႉ ဆၧလၧဂံၪ့ဒီၪ့ကမံၩ့နီၪ ကဒၪဘၪဆၧကၪဆၧဂဲၩအၪမၬဒ့ၭႇ လၩ့ဆၫ့ဒၪဆၧ ဂံၪ့ဒီၪ့ဖိၪၥံၪ လဂၩဘၪလဂၩ ၥၭလၩ့ဎိၭလိၬၥၭႇ ချဲၩ့ဆၧၫ့လိၬၥၭႇ အီၪက့ၪဆၧမၪလိၬၥၭ ကကဲၪထၪ့အမံၩ့မံၩ့နီၪလီၫႉ ဆၧအယီၩနီၪ ဂံၪ့ဒီၪ့ဖိၪၥံၪအဂး မွဲဝ့ၫ ဆၧဘၪထံၬအဎိၩထုၬနီၪလီၫႉ ဆၧနီၪအကၠီၩ့ႇ ပကဲၪဂံၪ့ဒီၪ့ဖိၪၥံၪယီၩ ပဂံၪ့ဒီၪ့အဂး ပမၩထၪ့ ဆၧအဲၪဆၧကွံၩ ဆၧယံၩၡီၩ့ဧၪ အ့ၪလမွဲဘၪ ပမၩလၩ့ဖၭ ဂံၪ့ဒီၪ့ဧၪနီၪ ပကဘၪဆီၫ့မီၪ့လၩ့ပၥၭနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဂံၪ့ဒီၪ့ဖၧၩ့ ဆၧအဲၪဆၧကွံၩကအီၪအဂးႇ ဆၧယံၩၡီၩ့ကအီၪအဂးႇ ဆၧမုၬဆၧလၩကအီၪအဂးႇ လဂၩဘၪလဂၩ ဆၧၥ့ၪယၫနၫၥ့ၪကအီၪအဂးႇ အဆၧၩ့ထီၫ ကဂုးခၧၫ့အဂး ပကဘၪအၪ့က့ၩဘၩဆိၪဖၪလၧ ၥၭမုဆံၫ့ဎံၪအီၪ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ