ဂံၪ့ဒီၪ့ဆါပမူၪကဂၩနီၪ အ့ၪအဝၩၥံၫဒၪအဝ့ၫ လမွဲဘၪအဂံၪ့ဒီၪ့လၩ့ဖၭစွါဘဲၫ အီၪထး အဖိၪအဒံၪ လဖၪနီၪယိထဲၩ့ခွါထဲၩ့ဝ့ၫန့ႇလီၩ့ဎွါမၩဆၧမၩဂီၩ့ဖၭထၭအဖိၪဆၧမၩလိၪကၠီးန့ႇ ဂံၪ့အဆၧမၩဒဲ အဖိၪအဒံၪဆၧအဂဲးလဖၪထိးအလူၬနီၪ ပမူၪအၪဒၪမၩဝ့ၫန့နီၪလီၫႉ ဆၧကၪဆၧဂဲၩအကျၩ အဝ့ၫဂဲၩဖျူ န့လီၫႉ ဂံၪ့ဒီၪ့ဆါပခွၫကဂၩနီၪအ့ၪအဝ့ၫအမၪၥံၫစွါဘဲၫ အဝ့ၫယိဖိၪၥၪဒဲန့အ့ၬႇ ဂံၪ့အဆၧမၩမၩဝ့ၫနးမံၩ့အ့ၬ အဝ့ၫၥံၪနီၪ ၥံၪယၪဒၪကမၩန့အမၪအၥၪ့ဂီၩ့ ကၥုၪ့ထၪ့ အဂံၪ့ဒီၪ့ အၥၪ့နီၪလီၫႉလမွဲဘၪစွါဘဲၫအီၩၥံၭအီၩဂၬဂီၩ့အနးခီၫ့နးၥၭဂၭဂီၩ့ဝံၫဒၪအၪမၬလီၫႉ အမၪလအီၪလၩ့ဘၪလါနၫ့ယိထဲၩ့ခွါထဲၩ့အဖိၪဂံၩဂံၩဘၪဘၪန့ပခွၫလဖၪနီၪအီၪ လါနၫ့ဂ့ၩ ပဒၪဘၪၡၩႉပၡၩအမုၪလဖၪနီၪ အၥၭဆီၪ့ႇထိးၡၪ့အၥၭန့အၪမၬနီၪလီၫႉ ဆၧနီၪအကၠီၩ့ မိမိနီၪအဂဲးဆီၪ့အၪမၬနီၪလီၫႉလၧဂၪ့ခိၪချိၫ့ယီၩ့မိမိၥံၪထိးအလူၬပကယူၭယၪ့ကၠၭႇ ပကဘၪ မၩလၩ့မၩဖၩ့ကၠၭအဝံၫအခိးအတၩဒဲ အဝံၫအီၪကံၪထၬအဆၧအဲၪလၧ အဖိၪအဖၫ့ခိၪ လဖၪနီၪလီၫႉ