လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဖိၪဒံၩဖိၪၥၪ ဂၪ့ခိၪ အဂဲးအကၠီၩ့နီၪလီၫႉ ဆၧလၧ ပယိဂ့ၩယိဘၪ ဖိၪဒံၩဖိၪၥၪႇ ပထိးဆၧၫ့ဖိၪဒံၩဖိၪၥၪႇ ပ ပဒၩ့ထၬဖိၪဒံၩဖိၪၥၪၥံၪနီၪ ဂံၪ့ဒီၪ့အဂး ဒဲ အဖုၫအဂး ဆၧအီၪဆီၪ့အီၪချဲၫ့ ကအီၪဝ့ၫဒၪနီၪလီၫႉ ဆၧချဲၩ့အယီၩနီၪ ဂၪ့ခိၪဖိၪဒံၩဖိၪၥၪ အမုနံၩဒၪအိၩ ၥၫ့ဎွၩဖရၫ့စ့ၭ လီၩၥ့ၪယၫထၬပၧၩနီၪလီၫႉ ပယိဂ့ၩယိဘၪ ဖိၪဒံၩဖိၪၥၪအခံၫ့ ပကဘၪၥ့ၪယၫထၬဆၧကမံၩ့နီၪ ဖိၪဒံၩဖိၪၥၪၥံၪလဖၪယီၩ ထီလၧယၫအဂး အဝ့ၫၥံၪယီၩ ကကဲၪခိၪကဲၪနါထံၫခးနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧဖိၪဒံၩဖိၪၥၪနီၪ ၦၥၭၡါၥံၪ အီၪအၪ့ဘဲၫၥ့ၪလဲၪနီၪ အဝ့ၫၥံၪ ထီးန့ထၬဝ့ၫႇ မၩဒီၩ့ဝ့ၫၥ့ၪနီၪလီၫႉ ဆၧနီၪအကၠီၩ့ႇ ပကဲၪမိဖါၥံၪလဖၪယီၩ ပကဘၪအီၪအၪ့လၧဖိၪၥၪအမ့ၬယၫ ဂ့ၩဂ့ၩဘၪဘၪနီၪလီၫႉ ဆၧလၧဖိၪၥၪနီၪ ၦၡၩအဎိၩၥံၪ ကဘၪယိဂ့ၩယိဘၪအဝ့ၫၥံၪႇ ကဘၪအဲၪအဝ့ၫၥံၪအဂး အရ့ၩဎိၩထုၬလိၪဝ့ၫဒၪနီၪလီၫႉ ဆၧနီၪအကၠီၩ့ႇ ဖိၪဒံၩဖိၪၥၪၥံၪ ကဎိၩထၪ့ဘၪ ဂ့ၩဂ့ၩဘၪဘၪအဂး ပကဘၪၥီၪ့အ့ၪ အဝ့ၫၥံၪဆၧဆူၩနဲၩႇ ၦၡၩဆၧလၩဆၧဖၩ့ ကၥ့ၪယၫဝ့ၫအဂးႇ အနါလီၩ့ကအီၪအဂးႇ ဆၧအဲၪဆၧကွံၩကအီၪအဂးႇ ဒၪဆၧအဂ့ၩကၥ့ၪအဂးႇ ၥၭဂ့ၩၥၭဘွၩကအီၪအဂး ပကဘၪၥီၪ့အ့ၪအဝ့ၫၥံၪ ထီးအလူၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ အဝ့ၫၥံၪဎိၩထၪ့အခံၫ့ ၥၫထနၫအဂးမွဲဂ့ၩႇ ထံၫခးအဂးမွဲဂ့ၩႇ ၡၩခံးဂးအဂးမွဲဂ့ၩ ဆၧၥ့ၪယၫနၫၥ့ၪႇ ဆၧလ့ၩထၪ့လ့ၩထီၫကအီၪအဂး ပကဘၪၥီၪ့အ့ၪအဝ့ၫၥံၪ လၩ့ထံးလၩ့ဆ့ၭ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ