ပထၪ့ၡါနီၪမွဲဝ့ၫဒၪလၧ ၦၡၩနံၩဂၩကအီၪဘီၩ့ဎးကၠၧၫ့ကၠၧၫ့နီၪလီၫႉ ဘဲၫၥိၭပကအီၪဘီၩဎးကန့ဂံၩဂံၩဘၪဘၪအဂးနီၪ ပထၪ့ၡါအခၪ ပထၪ့မၪဝၩနံၩဂၩယီၩ ကဘၪကဲၪ ပဆူၩနဲၩဖိၪနီၪလီၫႉ အနီၪမၬ ကဆါယွၩလီၩထၬပၧၩ ၥီၪ့ၥၫ့ထၬပၧၩလဖၪနီၪ ပမၩကန့နီၪလီၫႉ

ပကဲၪပဆူၩနဲၩဖိၪလဂၩ ပထၪ့ၡါလၧ ပဆူၩနဲၩဖိၪဂူၪဂဲၩလန့ဘၪအကၠီၩ့ ဆၧအဂဲးအီၪ ၉ ထုၪနီၪလီၫႉ

၁ႉ လမွဲဘၪကၭၥလံၬ ပဆူၩနဲၩဖိၪစွါဘဲၫ ပမၩန့လိၭၥၭလကျၨၭဘၪအကၠီၩ့ လံၬဆံၫ့ဎံၪဖၧၩ့ ကဆါယွၩလီၩထၬဝ့ၫအီၪနီၪလီၫႉ

၂ႉ ပၥၭၡီၩ့ လ့ၩထၪ့လ့ၩထီအဂး ဆၧဘၪထံၭဘၪထၬ ကအီၪဝ့ၫအၪမၬနီၪလီၫႉ

၃ႉ ပဂံၪ့ဒီၪ့ဖၧၩ့ ဆၧဘၪထံၭဘၪနဲၪလိၭၥၭ ကကဲၪထၪ့ႉ

 ၄ႉ ပဖိၪပဒံၪၥံၪ ဆၧၥၭၡီၩ့အဂး ကကဲၪထၪ့ ဆၧမၩထံၭထၬနီၪလီၫႉ

၅ႉ ပဂံၪ့ဒီၪ့ဖၧၩ့ ပဖိၪပဒံၪၥံၪအကျၩ ဆၧအီၪက့ၪၥုၪ့အီၪက့ၪၥၭဂၭဂီၩ့ၥ့ၪဝ့ၫနီၪလီၫႉ

၆ႉ ပဂံၪ့ဒီၪ့နံၩဖျိၪ့အကျၩ ဆၧၥံၪယၪနၪၥံၪလဖၪ လၩ့ဎိၭၥံၪ ဆၧအဲၪဆၧကွံၩ လၩ့ၡၩၥံၪဝ့ၫနီၪလီၫႉ

၇ႉ ပနဲၩဎီၩ့အဂး ပကဲၪဂံၪ့ဒီၪ့အဂ့ၩကဖျိၪ့လန့ဘၪနီၪလီၫႉ

၈ႉ ဆၧဆီၫ့မီၪ့လဖၪနီၪ လၩ့ဆၫ့ၥံၪဝ့ၫနီၪလီၫႉ

၉ႉ လၧဆၧအီၪကီၪ့ဖၧၩ့ ပမၩကဆါယွၩအဆၧမၩလဖၪနီၪ လၩ့ၡၩၥံၪဝံၫနီၪလီၫႉ ဆၧနီၪအကၠီၩ့ အ့ၪ ပကမၩန့ပမၪ ပဝၩစွါဘဲၫ ရွ့န့ဘၪလၧ မီၫ့ဎီၩ့ဒၪပၧၩ ပဆူၩနဲၪဖိၪလဖၪနီၪလီၫႉ အနီၪစွါဘဲၫ ဆၧအီၪကီၪ့ခရၧၫ့ဖၧၩ့ ကဆါယွၩအဆၧမၩနီၪ ပမၩကၠၧၫ့ကၠၧၫ့ကန့ဝ့ၫနီၪလီၫႉ