…ၦၡၩကဂၩဒဲကဂၩႇ အဆၧဒဲၩဘၭႇ အဆၧမၪအဎိၩအဆံၭမီၪ့ဎီၩ့အ့ၬႉ လမီၪ့ဎီၩ့အကၠီၩ့ အစီၪလၩ့ၥၭ အဆၧဒဲၩဘၭဆံၭႇ လအီၪဘၪကဂၩနီၪ အီၪက့ၪဆၧမၪႇ စ့ၩရၫ့ၦဂူၫဂၩန့အ့ၬႉ

လၧယွၩအမ့ၬယၫ ၦၡၩထီးလူၬနီၪ မွဲဆၧဒဲၩဘၭဖိၪလီၫႉ ၦလၧအစ့ၩရၫ့ဆၧန့နီၪ အီၪဒၪယွၩကဂၩဎးလီၫႉ ဘဲၫၦၡၩအဆၧဒဲၩဘၭအဎိၩအဆံၭႇ အအၪအၡၩအၥိၭႇ ယွၩအ့ၪစ့ၩရၫ့ၦၡၩလၧဆၧတီၩဆၧလီၩ့ႇ ဆၧဘၪလိၬဎွ့ၩဎီၩ့အဖၧၩ့နီၪႇ ၦၡၩန့ဘၪ ဆၧထိးထဲၩ့တၩ့ထဲၩ့ၥ့ၪနးဂၩအ့ၬႉ  ယွၩနီၪစ့ၩရၫ့ၦၡၩန့လါနၫ့ဂ့ၩႇ စ့ၩရၫ့ဝ့ၫအ့ၬႉ

ပဒၪလိၬၥၭႇ ပဆီၫ့မီၪ့လိၬၥၭဘဲၫၥ့ၪလဲၪႉ ပကဘၪဒၪလိၬၥၭဘဲၫကဆါယွၩဒၪပၧၩအၥိၭလီၫႉ မွဲၦၡၩလၧအအီၪလၧအဆၧမၪႇ အဆၧဂဲးဆံၭဘၭဆံၭ ဒဲ လၧအဂဲးအဘၭဆ့လီၫႉ

ၥံၪ့ဖုၫအ့ၪလမွဲဘၪ နိၫကဲၩ့ဖိၪအီၪလမ့ၬၥၪဖၧၩ့ကိၭဂၩဒ့ၭအကၠီၩ့ႇ ပဘၪလိၫၥံၪဆရၫလမၩဘျၪထဲၩ့ပၧၩႇ ပမၩဖၩ့ထၪ့ထဲၩ့ ပမ့ၬႇ ဒဲကနဲၪအ့ၪပၧၩဖၧၩ့ၥၭလဂၩနီၪလီၫႉ

စလုကၭ ၦကွ့ၭလံၬဆၧၥၭထိၬပရၧၫ့ယီၩ အနၫ့ဆါဒၪဝ့ၫ မွဲၥံၪ့ဎွံၪဆရၫကဂၩတၭႇ အဝ့ၫကွ့ၩထၪ့ဖျီၪ့ထၬဝ့ၫ လၧယ့ၫၡုၬနီၪ မွဲၥံၪဆရၫႇ မွဲၦယူၬၥိၪလဂၩ လၧအလီၩ့ဎွါထဲၩ့ ၥိၪလၧအၥၭအီၪမိဒိၭန့ဘၪ ဆၧမၩဘျၪထဲၩ့ႇ ဆၧကွဲၪဖျါခွံၬ ဒဲနးခီၫ့နးၥၭအဆၧအီၪဆီၪ့အီၪချဲၫ့လဖၪလီၫႉ

ယ့ၫၡုၬဎြံၬဂဲၫ မၩဖီၩ့မၩဖျ့ၭပၧၩ လၧဆၧဘၪမၩအၧၩ့မၩနၭအဖၧၩ့ႇ  ဆၧၥၭဒဲၩဘၭႇ ဆၧၥၭမဲၪ ဆၧအၪ့မၧၫ့ဎီးအဖၧၩ့လီၫႉ

လါနၫ့ဂ့ၩႇ ဘဲၫၥိၭ ဆၧဖီၩ့ဖျ့ၭႇ ဆၧမၩဘျၪထဲၩ့ကန့အဂး ၦဆၧဒဲၩဘၭဖိၪႇ ၦစူၭၦဆၫလဖၪ ကဘၪၥ့ၪလၩ့ၥၭ ဘဲၫၦဆၫဖိၪအၥိၭတၭႇ ကဘၪဂဲၫၥုၭဘူၭအၥၭ လၧၥံၪဆရၫအအီၪလီၫႉ…