ခးပယၩ့ယီၩ အီၪဝ့ၫလၧ ဘံၩႇ ထံၫချိၬႇ နီၪ့ႇ ကွံၩႇ ဆၧၥုၪ့ဖျါဆၧဖံၭလဖၪႇ စၭထၪ့လၧၥံၪ့ကျိၭလဖၪ ထီးထီၩ့စိၩ ထံၫလိးလုၭဘံၭခိၪလီၩၥံၪအလး ဆၧဖိၪဆၧဎါၥံၪအီၪဝ့ၫအမံၩ့မံၩ့ မွဲဎံၫလၩဝ့ၫဒၪ ထံၫခးကခးနီၪလီၫႉ လကၭဒံၭဘၪ ခးပယၩ့ယီၩ ဆၧအထံၭအမံၩ့မံၩ့ႇ ဆၧဖိၪဆၧဎါအမံၩ့မံၩ့ႇ ဆၧဖိၪဆၧဎါလၧအီၪထံၫကျၩလဖၪ အီၪၥၭမၧၫ့ဝ့ၫ အလးနီၪလီၫႉ လါနၫ့ ဆၧလဖၪၥံၪယီၩ ဂဲၫလၩ့မါထၪ့ အၪမၬယူၭနီၪလီၫႉ ခးပယၩ့ယီၩ လၧခးအ့ၩၡၩအဖၧၩ့ မွဲဝ့ၫၥံၪ့ကျိၭအီၪအအၪထုၬ ထံၫခးကခးလါနၫ့ အထီဘဲၫယီၩ လၩ့ၡၩဝ့ၫဖျဲၪအၪမၬနီၪလီၫႉ ၥံၪ့ကျိၭလူၬပျီၩ့ခွံၬဖျဲၪနီၪ မွဲအရ့ၩဒိၪဝ့ၫဒၪ ဆၧလၩ့အၪ့ယိၫကမံၩ့ဂီၩ့ အ့ၪမွဲ ၥံၪ့ကျိၭကဆုးလူၬပျီၩ့ခွံၬ ဘဲၫယီၩၥိၭစွါဘဲၫ ခးပယၩ့နဲၩ့ဎီၩ့အခၪ့ထံၭခၪ့ဎၧၩ့လဖၪ လယံၬလမီဘၪအဖၧၩ့ ကဂၭဂီၩ့ဂၭစၪ လူၬပျီၩ့ခွံၬအဆၧၫ့အထီ ကဂဲၫကဲၪထၪ့နီၪလီၫႉ
မွဲဆၧဘဲၫနီၪ ပဂၪ့ခိၪချိၫ့ကဆုးအီၪဂုးခၧၫ့လဆိၩၡၩအဂး ဘဲၫအခံၫ့အီၪဒံၭယီၩ ပကကျ့ၭစၨၭပၧၩ့ထၬ ပဂၪ့ခိၪနဲၩ့ဎီၩ့ ကိၭဂၩဒ့ၭလါဆံၭႉ ဆၧအယီၩနီၪ မွဲ ပကိၭဂၩဒ့ၭ ပမူၩဒၩနီၪလီၫႉ