ၦလၧလအီၪက့ၪဒိၪဘၪနၧၩလဂၩနီၪ နၧၩဆ့ကျ့ၭစၨၭအီၪက့ၪဒိၪထဲၩ့ဘၪလဂ့ၩႉ ၦလၧ လၥၭအုၭဘၪပၧၩနီၪ နၧၩဆ့ကျ့ၭစၨၭဘုၩရုၫဘုၩဆူၫထဲၩ့ဘၪလဂ့ၩႉ ၦလၧစီၪနၧၩဘျိၪဘျိၪ လဂၩနီၪ နၧၩဆ့စီၪထဲၩ့မၩအဝ့ၫဘျိၪဘျိၪလီၫႉ
ပဂးအခံၫ့လအီၪဘၪၦၡၩလဂၩနီၪ အဝ့ၫအဂးပဘၪဖ့ၪလၫ့အ့ၪ ပအခံၫ့မလိၪဧၪအ့ၬႉ
ဆၧနီၪအကၠီၩ့ ၦဘဲၫနီၪၥိၭလဖၪအဂး ခီၫခီၫပကမၩဆၫပၥၭဖိၪ ခိၬမၬခိၬမၬနီၪ ပက ဘၪမၩထ့ၬခွံၬပၥၭ လၧအဝ့ၫၥံၪအဖၫ့ခိၪနီၪလီၫႉ ဂီၩ့နီၪဆၧအဂဲးလဖၪယီၩ ထီးနဲၪ့ထၬ လၧနၥံၪအခိၪနူၬဖၧၩ့ လၧနၥံၪအၥၭဖၧၩ့နဲၪႉ
အ့ၪမွဲပၥၭလထ့ၬဘၪနီၪ ပၥၭကဘၪဆၫ ခိၬမၬခိၬမၬႉ အ့ၪမွဲပၥၭထ့ၬန့နီၪဘိၭ ပၥၭ ကဘၪဆၫဒၪကဘျၩ့လီၫႉ ဆၧနီၪအကၠီၩ့ ထိးအၪ့လီၫနၥံၪအၥၭခိၬမၬခိၬမၬလဂ့ၩႉ ပၧၩယီၩ ပလမွဲဘၪ ထံၫအီၪလၧအဝ့ၫအစူၪယၫၥၭဖၫ့ခိၪအဂဲး ဖ့ၪနဲၪထၪ့အဝ့ၫၥံၪဂီၩ့ စဲၪ့ထၪ့ခွံၬလၧ အဝ့ၫၥံၪအယဲၩ့လါဆံၭႉ ခီၫခီၫပၥၭကဘၪဆၫ ခိၬမၬခိၬမၬနီၪ ပၥၭဆၫဝံၭဂ့ၩဘၪစဲၪ ကကၠၪ လီၫနီၪ မငါနၭကဆံၭမွဲအ့ၬဧၪႉ