လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ  ၦဆံၫ့ဎံၪ  Crispin ဒဲ Crispinian  အဂဲးအကၠီၩ့နီၪလီၫႉ ၦဆံၫ့ဎံၪ Crispin ဒဲ Crispinian ယီၩ မွဲဝၫဒၪအဎဲၩ့နီၪလီၫႉ အမိမိဖါဖါနီၪမွဲဝ့ၫဒၪ ဝံး ရိၩ့အိၩ ၦကဲၪဒိၪကဲၪမုဖိၪၥံၪနီၪလီၫႉ အဝ့ၫၥံၪယီၩ မၩၥၫထနၫဆၧမၩလၧ ခးပၠ့ၫၥ့ၭ နီၪလီၫႉ  အဝ့ၫၥံၪယီၩ မုဆၫအခံၫ့နီၪ မၩဆၧမၩဂီၩ့ တရါလၩ့ဆၧပရၧၫ့လၧ ဖၧၩ့ၥၭနီၪလီၫႉ မုနၩအခံၫ့နီၪဘၪမၩ ၦဆၭခၪ့ဖံၭအဆၧမၩနီၪလီၫႉ အဝ့ၫၥံၪအၥၭဂ့ၩနီၪ ဖ့ၪအ့ၪၦဂူၫဂၩ အဂဲးအဘၭနီၪလီၫႉ

အဝ့ၫၥံၪနံၫဂၩနီၪ ကျ့ၭစၨၭမၩဆၧမၩဒဲ မၩၥၫထနၫဆၧမၩ လကၭဒ့ၪဘၪ တရါလၩ့ဆၧပရၧၫ့လၧ ဆၧကၪဆၧဂဲၩ အီၪအလးနီၪလီၫႉ အဝ့ၫၥံၪမၩဆၧမၩ ထီးအလူၬနီၪ မွဲဝ့ၫဒၪအဝ့ၫၥံၪ မၩၥၫထနၫဆၧမၩအလးနီၪ ကမၩဆၧၩ့အ့ၪ ခးဖိၪၥံၪအဂးနီၪလီၫႉ ဆၧနီၪအကၠီၩ့ အဝ့ၫၥံၪကျ့ၭစၨၭ မၩၥၫထနၫဆၧမၩအကၠီၩ့နီၪ  စဎွၩ Miximian ၥ့ၪယၫတၭ လီၩ့မၩနၧၩ့မၩစၪ ဎရံၬဖိၪၥံၪ ထီးအလူၬနီၪလီၫႉ လၧခဲၫ့ထုၬနီၪ အဝ့ၫၥံၪနံၫဂၩ ဘၪထိးမၩၥံၪၥၭနီၪလီၫႉ ၦဆံၫ့ဎံၪ Crispin ဒဲ Crispinian ယီၩ ၥံၫဖီၩ့ခွံၬဂီၩ့ အဝံၫၥံၪ အစွၫအီၪအလးနီၪ ၦၡၩၥုၪ့ထၪ့ ၥရိၭဖၭဒိၪနီၪလီၫႉ လကၭဒ့ၭဘၪႇ ၦလၧကၠၧၩ့အ့ၪအဝ့ၫၥံၪ လိးအိၩ ၦဆံၫ့ဎံၪ Eligius နီၪ ဘၪထိးဖ့ၭထ့ၭအခိၪဎွံၪနီၪလီၫႉ

ၦဆံၫ့ဎံၪ Crispin ဒဲ Crispinian ယီၩ ၦလၧဘၪဆၭခၪ့ဖံၭ ဒဲ ၦလၧဘၪဆၭ ဆၧဖံၭ ဆၧမၩဖိၪၥံၪ ဘၪဒိၭနဲၩၥၭမွဲဝ့ၫ ၦဆံၫ့ဎံၪနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬၥံၪဧ့ႇ ဘဲၫၥိၭနၥံၪကထီးန့ထၬ ၦဆံၫ့ဎံၪ Crispin ဒဲ Crispinian အဂဲးအကၠီၩ့ ကန့အဂး ယရၩလၩ့န့အ့ၪဘၪနၥံၪလၧ    ဆၧအဲၪဆၧကွံၩ   ဎိၩဒိၪဖၧၩ့နီၪလီၫႉ  အဲၪကွံၩဘၪ ထၧၫ့ဖုဝဲ ထံၩၥိၭထီးအလူၬႇ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ