ဆၧမၩလိၪဆရၫမူၪကဂၩ အၪ့မ့ၩဂီၩ့ ယိအဆၧမၩလိၪဖိၪၥံၪအလံၬနီၪလီၫႉ အဝ့ၫအဝၩနီၪ အီၪလၧအဝ့ၫအနဲၩဂီၩ့ ယိမိ phone နီၪလီၫႉ ဆၧမၩလိၪဆရၫမူၪနီၪ ယိဝ့ၫဂီၩ့ အမ့ၬထံၪလၩ့ဝ့ၫနီၪလီၫႉ အဝၩနီၪဒၪအဝ့ၫအခၪ အၪ့စၪ့အမၪ ဘၪနီၪလဲၪ နဘၪဂၪ့နီၪ အမၪဆၧမၩလိၪဆရၫမူၪနီၪလီၩထဲၩ့အဝ့ၫ မုဂၪနံၩအိၩ ယအၪ့မၫ့ ယဖိၪၥၪၥံၪကွံၩလံၬႉ လံၬအခိၪတၨၩ့နီၪ ယဆၧၥၭအီၪႉ ဘဲၪနီၪလဲၪ နဘၪဂၪ့နီၪ အဝၩအၪ့စၪ့အခၪ ယဘၪယိ လခဲၫ့ထုၬလံၬကဘျံၪ့ယီၩ ယမိဂၪ့ကၠီၩ့နီၪဝ့ၫႉ အဝၩထၬအၪ့စၪ့ထဲၩ့ လံၬဖၧၩ့နီၪ ဖိၪၥၪကွ့ၩထၬမန့လဲၪ ခိၪနၪ ယကဖီနဲၪအ့ၪနၩ ယဆၧၥၭအီၪနီၪ မွဲဝ့ၫဒၪ ယမိကဲၪ phone ကဖျိၪ့နီၪလီၫႉ ယမိဒဲယဖါနီၪ အဲၪကၠၭအဝ့ၫအ phone အၪမၬနီၪလီၫႉ ဘၪယိမိ phone နီၪ ယိဂ့ၩယိဘၪယၩချူၭအ့ၬႉ ဖါဖါနီၪ ဂဲၪထဲၩ့လၧရိၩ့ဂီၩ့စွါဘဲၫ ဘၪယိအphone နီၪ ဖ့ၪလၫ့ယၩအခံၪ့န့အ့ၬ ယဂးအခံၪ့အီၪအ့ၬႉ အဝ့ၫမၩဆၧမၩအခံၪ့ အ့ၪ phone ဂဲၪစွါဘဲၫ လ့ၩဖီၪ့ဝ့ၫ လါနၫ့ဂ့ၩ အ့ၪယအီၪလမုၬဘၪစွါဘဲၫ ယိဂ့ၩယိဘၪယၩအ့ၬႉ ကွ့ၩလၧယၩကၠၧၫ့ကၠၧၫ့အ့ၬႉ ဆၧနီၪအကၠီၩ့ယမိကဲၪ phone နီၪလီၫႉ အမၪဖီနဲၪအ့ၪလံၬဂီၩ့ အဝၩနီၪ အၥၭမုၬလၩ့အ့ၬႉ ဂီၩ့အၪ့စၪ့အမၪ လံၬနီၪဖိၪၥၪမပၫလဲၪကွံၩထၬဧၪႉ အမၪလီၩထဲၩ့ ဖိၪၥၪနီၪ မွဲဒၪ ပဖိၪလီၫႉ ဖိၪၥၪဆံၭဒံၭအခံၪ့ ယိဂ့ၩဂ့ၩဘၪဘၪလီၫႉ ဖိၪၥၪနီၪ အၥၭဆံၭဒံၭအခံၪ့ မိဖါအဆၧအဲၪ လဒိၭန့ဘၪဝ့ၫ လၧၫ့လၧၫ့ဎွ့ၩဎွ့ၩဘၪစွါဘဲၫ အဝ့ၫၥံၪအၥၭဆၫထးအမိအဖါၥ့ၪနီၪလီၫႉ ဆၧနီၪအကၠီၩ့ ပဖိၪဆံၭဒံၭအခံၪ့ ဖ့ၪလၫ့အဝံၫၥံၪအခံၪ့ လၧၫ့လၧၫ့ဎွ့ၩဎွ့ၩ ခိၪနၪအ့ၪအဝ့ၫၥံၪအဆၧချဲၩ့နီၪလီၫႉ