လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ၥၭဘၪ့ဖိၪၥံၪ ကဘၪဒၪဆၧၫ့ယၫ ချဲၩ့ထၪ့ဒၩဆၧအဂဲး အကၠီၩ့နီၪလီၫႉ ပအီၪၥၭမၧၫ့ဂၪ့ခိၪဖၧၩ့ ဆၧလတီလဘၪ အီၪအၪမၬဒ့ၭႇ ဆၧနီၪအကၠီၩ့ ၥၭဘၪ့ဖိၪၥံၪ နၥံၪကဘၪချဲၩ့ထၪ့ဒၩဆၧအဂး ၥၭမဲၪဆၧလဂ့ၩ ဒၪဆၧၫ့ယၫဒူၩဒူၩနီၪလီၫႉ အဲၪကွံၩဘၪၥၭဘၪ့ဖိၪၥံၪ ထီးအလူၬၥံၪဧ့ႇ ဆၧပျီၩဖျ့ၭဒဲ ၥၭဂ့ၩၥၭဘွၩအီၪဂီၩ့ မၩချဲၩ့ထၪ့ဒၩဆၧနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလဂ့ၩဘၪႇ ဆၧလတီၩဘၪ နၥံၪဒၪစွါဘဲၫ ၥၭမဲၪဆၧ နးမံၩ့လဂ့ၩ ဒၪဆၧၫ့ယၫ ထီးအလူၬနီၪလီၫႉ ပအီၪၥၭမၧၫ့ဂၪ့ခိၪဖၧၩ့ ပကအီၪဘၪ ၡူၪၡူၪဘၩဘၩအဂး ၥၭဘၪ့ဖိၪၥံၪ ကဘၪကျ့ၭစၨၭ ချဲၩ့ထၪ့ ဒၪဆၧၫ့ယၫအဂး ၦၥၭၡါၥံၪ ယိလါဆၧနီၪလီၫႉ ဆၧလၧ ၦၥၭၡါၥံၪနီၪ ကမၩဆၧအဂး အဂဲးအဘၭအီၪလၧအ့ၬႇ ကဘၪဒိၭနဲၩ ၥၭဘၪ့ဖိၪၥံၪနီၪလီၫႉ ပကလီၩအဒီၩ့စွါဘဲၫႇ ပအီၪၥၭမၧၫ့ဂၪ့ခိၪဖၧၩ့ယီၩ ဘၪထွ့ၫလၧ န့ၩခၠၧၫ လံၩအထၧၫ့ ဂၭဂီၩ့ဂၭစၪအဂး ၥၭဘၪ့ဖိၪၥံၪ ကဘၪဒၪဆၧၫ့ယၫ ချဲၩ့ထၪ့ဒၩ ထီးအလူၬနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၥၭဘၪ့ဖိၪၥံၪကိၭဂၩ ဆၧအဂ့ၩအဂး နၥံၪအၥၭခံဖၧၩ့ ၥုၪ့ဆီၪ့ၥၭဆီၪ့ ကဘၪအီၪနီၪလီၫႉ ထီလၧယၫနီၪ အီၪလၧနၥံၪအစူၪဖၧၩ့နီၪလီၫႉ ဆၧနီၪအကၠီၩ့ႇ ၥၭဘၪ့ဖိၪၥံၪကိၭဂၩ ထီလၧယၫ နၥံၪအီၪၥၭမၧၫ့ အနဲၩအဎီၩ့ လ့ၩထၪ့လ့ၩထီၫကအီၪအဂး နၥံၪကဘၪကျ့ၭစၨၭ ဒၪဆၧၫ့ယၫ ချဲၩ့ထၪ့ဒၩဆၧ လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ