ဝံးမၫ့တၨၭကၭၥလံၬ ဆၧအီၪကီၪ့ဖၧၩ့ ၥၫ့ခၫဖာသာရ်မာတင်းဒေါနယ် ရဲနိုင်ဝင်း အၥၭ အီၪ၄၄နံၪ့အခံၫ့ ကဲၪထၪ့ဘိၪ့ခိၪၥၫ့ခၫ ထၪ့ဘၭ၇နံၪ့အခံၫ့နီၪ ဘၪထိးမၩၥံၫအၥၭနီၪလီၫႉ
အဝ့ၫယီၩ အလးလၩ့လၧ ရွှေဘိုခးရ့ၫ ကံကြီးတောတဝၫ့ ၊ လုဒ်မယ်တော်သခင်မၥရိၬ ၥရိၬလးဖၧၩ့အခံၫ့ ၂၀၂၅နံၪ့ လၩဖ့ၫဘြူၫအ့ၫရံၫ ၂၄ၥၫ့အဂၫလၩ့နီၪ ၦအဖီၪ့စူၪဝဲၩၦၡၩကအူၭနီၪ ဂဲၫနုၬလၩ့လၧၥရိၬလးဝၩ့ဖၧၩ့နီၪဂီၩ့ ဖ့ၬၥံၫအဝ့ၫဒၪအကၠီၩ့ အၥၭဘၪၥံၫဂီၩ့ၥံၫစၪခွံၬနီၪလီၫႉ
လၩဖ့ၫဘြူၫအ့ၫရံၫ၁၆ၥၫ့ အဂၫလၩ့၂နၩရံၫနီၪ ဝံးမၫ့တၨၭကၭၥလံၬဆၧအီၪကီၪ့ ၥၫ့ခိၪဒိၪ မာကုတင်ဝင်း လ့ၩခိၪလ့ၩနါဂီၩ့ ၦၡၩလ့ၩဘၧၩ့လၩ့ခွံၬအဝ့ၫအစွၫလၧ ဝံးပၠ့ၫအူၩလွံၫ ၇မံလၬ ဆၧၥွၫခိၪနီၪလီၫႉ အဝ့ၫအစွၫနီၪ ၦၡၩလ့ၩအၪ့န့စိၩလၧ ကံကြီးတောတဝၫ့ဂီၩ့ ၦၡၩဂဲၫထဲၩ့ဆိၬ န့ထဲၩ့လၧ ဝံးပၠ့ၫအူၩလွံၫဂီၩ့ ၦၡၩလ့ၩဘၧၩ့လၩ့ခွံၬနီၪလီၫႉ
ၦလၧအဂဲၫမၩၥံၫၥၫ့ခၫလဖၪနီၪ မွဲလၧ တအုံတဝၫ့ ၦအဖီၪ့စူၪဝဲၩလဖၪဂီၩ့ လၧအဝ့ၫၥံၪ အခိၪနါကၠၧၫ့ကၠၧၫ့ အၥိၭထီးလူၬနီၪ ရွှေဘိုခးရ့ၫ ၥုၭမု ၅နီၪ ဖီၪ့ထၬအဝ့ၫၥံၪဂီၩ့ အၪ့စ့ၭအၪ့ကၠီၩ ဝ့ၫ ဘိၩ့ဒံၭအဂဲး ဆၧပရၧၫ့ယီၩ ပန့ဘၪလၧ BBC ဆၧပရၧၫ့အဖၧၩ့နီၪလီၫႉ
နးအဲၪဖီၫဘွၩ