လၧအဖီၩ့ခွံၬဒၪမုနွ့ၫအိၩ ပနါဂၧၫ့ဘၪယ့ၫၡုၬကိၭန့စပံတၧၫ့ဒဲအထံၩအဖျဲအဆိၫထုၬလဖၪအဂဲးႇ အနီၪဂီၩ့ႇ ယ့ၫလ့ၩဆၧ လၧစပံတၧၫ့ဒဲအထံၩအဖျဲၥံၪကၠၧၫ့ကၠၧၫ့ႇ မၩဆံၫ့ထၪ့ထဲၩ့ ၦခံၫထူၬဆၫအၧၩ့ႇ ၦၥံၫလခီၫဖၩႇ ကိၭန့ ၦအၪ့ကံၩ့ဆၧအခီၫစလံဝဲၫႇ ဒဲလၧအထံၩအဖျဲၥံၪအကျၩႇ ရွံအၪ့ထုၪ့န့ ၦဆၧအၪ့မၧၫ့ဖိၪ ၁၂ ဂၩလီၫႉ
လၧကနံၩယီၩ ဆၧၥၭထိၬပရၧၫ့အဖၧၩ့ႇ ပနါဂၧၫ့ဘၪ ယ့ၫၡုၬစၭထၪ့လီၩလၩ့လၬလၩ့ဆၧ လၧဆၧဒၩဖၧၩ့ လၧအထံၩအဖျဲၥံၪဒဲၦခမျၧးဖၭဒိၪလၧအဂဲလၧ ၦယုဒၫထၧၫ့ခးယၫႇ လၧယရုစလံၫ့ႇ ဒဲ တဲအၫဒဲစဲဒၧၫ့လီၫႉ ဘၪထွ့ၫလၧ ဆၧနံၫမံၩ့အဂဲး မွဲဝ့ၫဆၧမုၬ ဆၧၡုၪ ဒဲ ဆၧၥုၪ့အုၭၥၭအုၭႇ စံၭမၫခလါ ဆၧဆိၪဂ့ၩ ဒဲ ဆၧဆိၪအၧၩ့အဂဲးလီၫႉ
လၧစမၭၥုၫ( ၅:၁-၇) အဖၧၩ့နီၪ ပနါဂၧၫ့ဘၪယ့ၫၡုၬလီၩလၩ့လၬလၩ့လၧခိၪလီၩ့ခိၪတၭႇ ဘၪထွ့ၫလၧ ဆၧမုၬဆၧၡုၪ (၈) မံၩ့အဂဲးလီၫႉ လၧစလုကၭအၥၭထိၬပရၧၫ့ယီၩ ယ့ၫၡုၬလီၩလၩ့ဆၧလၧဆၧဒၩဖၧၩ့ႇ ဘၪထွ့ၫလၧ ၦဆၧမုၬဆၧၡုၪႇ ဆၧဆိၪဂ့ၩ(၄) မံၩ့ ဒဲဆၧဆိၪအၧၩ့(ဆၧၥုၪ့အုၭၥၭအုၭ) အဂဲးလီၫႉ
ယ့ၫၡှူၬယိထၪ့အထံၩအဖျဲၥံၪတၭ,စံၭဝ့ၫ,
ၦၡၪ့ဖိၪနၥံၪဝ့ၫယီၩ,နၥံၪအီၪမုၬဝ့ၫဒၪနီၪး အဂဲးဘဲၫယီၩ ယွၩအဘၩ့အမုးနီၪ မွဲနၥံၪအဆၧလီၫ.
ၦလၧဆၧၥၭဝံအၥၭနၥံၪဝ့ၫ ဘိၩ့နဲၪ့ယီၩ, နၥံၪအီၪမုၬဝ့ၫဒၪနီၪး အဂဲးဘဲၫယီၩနၥံၪမိဘျဲၩအၪ့ဘျဲၩအီၩဝ့ၫလီၫ. ၦလၧအဂၪ့နၥံၪဝ့ၫဘိၩ့နဲၪ့ယီၩ နၥံၪအီၪမုၬဝ့ၫဒၪနီၪးအဂဲးဘဲၫယီၩ နၥံၪမိနံထၪ့ဝ့ၫလီၫ.
ထီးၦၡၩအ့ၪမ့ၬလဲၩနၥံၪတၭ, အ့ၪနၫ့ထၪ့ခွံၬနၥံၪနီၪ,ဒဲဒုၪဒွ့ၪနၥံၪ, ဒဲခွံၬၡိၭနၥံၪအမံၩ့ ဘဲၫဆၧအၧၩ့အ ၥိၭလၧၦၡၩအဖိၪခွၫယီၩအကၠီၩ့တၭ,နၥံၪအီၪမုၬဝ့ၫဒၪလီၫ.- လၧမုနံၩနီၪၥၭထိၬတၭ,ဖုၫထၪ့နၥံၪဝ့ၫ လၧဆၧၥၭထိၬအကၠီၩ့နီၪဆံၭ. အဂဲးဘဲၫယီၩ, ယိခွါ, နၥံၪအဘိၪ့အီၪဝ့ၫ လၧမူၭခိၪဒိၪမၬလီၫ.