ဂၪ့ခိၪချိၫ့ယီၩ ခိဆၧၩ့ချံၪ့အၪ့လဲၩ့ထၪ့အၥၭအကၠီၩ့ ဆၧခိဂဲၫဆီၪ့ထၪ့ႇ ဆၧဆၧၩ့အၪႇ ထံၫဎိၩလၩ့ႇ လံၩမုလဖုၬဂဲၫႇ ၡၬလဲႇ ဆၧဆၧၩ့ၡၩ မွဲဝ့ၫနဲၩ့ဎီၩ့ဆၧလၩ့အၪ့ယိၫလဖၪ ဂဲၫကဲၪထၪ့ဝ့ၫနီၪလီၫႉ ပအီၪကၠၭလၧ ဂၪ့ခိၪချိၫ့ယီၩ မွဲဝ့ၫ ၡၩခမျၧးၥံၪႇ ဆၧဖိၪဆၧဎါၥံၪလၧအအီၪ ခီၫၥွံၪခိၪဒဲ ထံၫကျၩလဖၪႇ ၥံၪ့ထံၭလဖၪဒဲ နဲၩ့ဎီၩ့ၥံၪမွဲဂၭဂီၩ့ဂၭစၪၥ့ၪအကၠီၩ့ ဂၪ့ခိၪထံၫခး စဲၩ့ယၫ့ကိၪ့ၥ့ၪၥံၪလဖၪ ဖ့ၪလၫ့ဆၧထုၪ့ၥုၪ့ထုၪ့ၥၭနီၪလီၫႉ
ခးပယၩ့ယီၩ ဂၪ့ခိၪထၧၫ့ဘံၪ့ယၫ ထံၫခးလၧ ဘၪဒၪဎီၩ့ဆၧၫ့ယၫ ခိဆၧၩ့ချံၪ့အၪ့လဲၩ့ထၪ့အၥၭဆၧကၪဆၧဂဲၩအဖၧၩ့နီၪ ပခးပယၩ့ယီၩမွဲပၫယူၭနီၪလီၫႉ ခိဆၧၩ့ချံၪ့အၪ့လဲၩ့ထၪ့အၥၭယီၩ ဖျီၪ့ထၪ့ဝ့ၫနံၫထံၪတၭ အဆိၪထုၬကထံၪနီၪမွဲ ဂၪ့ခိၪဆၧအခိ ဂဲၫအၪ့လဲၩ့ထၪ့အၥၭအကၠီၩ့နီၪလီၫႉ ဂၪ့ခိၪဆၧအခိဘၪဂဲၫအၪ့ထၪ့နီၪ မွဲၦၡၩၥံၪလၧအအီၪဂၪ့ခိၪချိၫ့ယီၩ အဆၧအၪ့အီၪႇ ဆၧဖီၪ့ထၪ့ဖံၭထၪ့အကၠီၩ့ ဂၪ့ခိၪချိၫ့ဆၧခိဂဲၫဆီၪ့ထၪ့ စီၩ့ဂဲးလဖၪ ထီၩ့လၧ ဂၪ့ခိၪလံၩအထုၪ့ဖၧၩ့ အၪမၬနီၪလီၫႉ လၧခဲၫ့ကထံၪနီၪမွဲ ကၫဘိၫဒဲၫ့အီၭဆဲၭလၧ အထီၩ့လံၩအကျၩလဖၪ ဘဲၫကလၩ့မါအဂး ကစွံၭထၪ့ဝ့ၫ ၥံၪ့ကျိၭဖၭဒိၪလဖၪ လူၬပျီၩ့ခွံၬကဆံၭဆံၭ ယူၭအကၠီၩ့နီၪလီၫႉ