စခးချံၪ့လဂၩ ၦမုၪနၩ့ဖိၪဎံၫလၩယီၩချဲၩ့ကွ့ၩတၭ စံၭဆၧၫ့ထဲၩ့ဝ့ၫ မနီၫလဲၪ မနီၫလဲၪ မီၪ့ဎီၩ့ဝဲခွၫအ့ၬမွဲဧၪ လၧအမ့ၬယၫအိၩ နဒၪယံၫယါယၧၩဧၪႉ ကထုၪ့ဎး ၦမုၪနၩ့ဖိၪနီၪ စံၭဆၧၫ့ထဲၩ့ မကၪထဲမၬလဲၪ ဝဲခွၫဧၪ ခီၫလၧဝဲခွၫစၭထၪ့ဂဲၫအီၪအလးထယီၩအိၩ ဒ့ၩမုၪၥံၪၥ့ၪယၫႉ စခးချံၪ့နးဆ့ နါဂၧၫ့ဘၪၦမုၪယီၩအဆၧချဲၩ့ ကဘၪလီၩ ဆၧၫ့ထဲၩ့ဝ့ၫပၥ့ၪလဲၪ ၥ့ၪယၫဝ့ၫလၧၩ့အ့ၬႉ
ဝဲခွၫ အၥၭနူန့ၭယူၭ ကဲၪယၥၭႉ ဘယီၩဘ့ၩ ဝဲခွၫဧၪ ခီၫလၧဝဲခွၫဂဲၫအီၪလယီၩအိၩ ဖုမုၪၥံၪလ့ၩလၧ ဝဲခွၫအဎုၬဖၧၩ့ ကိၭနံၩဒ့ၭလီၫႉ ဆၧဖိၪဆၧဎါၥံၪလၧအဂဲၫမၩဂၭဂီၩ့ဂၭစၪဝဲခွၫအဎုၭလးလဖၪဆ့ ဖုမုၪၥံၪနၪ့စဲၪ့ခွံၬ အ့ၪကိၭနံၩဒ့ၭလီၫႉ အနီၪ ဝဲခွၫၥ့ၪယၫ အ့ၬ မွဲအ့ၬဧၪႉ ဖုမုၪလီၩဆၧလဖၪယီၩ မီၪ့ဎီၩ့ဝဲခွၫမံၫမးဘၪဆၧလီၫ ဖုမုၪဧ့ႇ ဝဲခွၫဂဲၫလၧဎုၭဖၧၩ့ကိၭနံၩ ဒၪယံၫယါဖုမုၪၥံၪ နးကၠၪအ့ၬႉ ဝဲခွၫခီၫနီၪ မွဲမိဒၪ ဖုမုၪၥံၪအ့ၬဘိၭႉၦမုၪနၩ့ဖိၪယီၩ ချဲၩ့ခဲၪလၩ့ စခးချံၪ့ဒီၭႉ အနီၪဘိၭ စခးချဲၪ့စံၭဆၧၫ့ထဲၩ့ ဝဲခွၫလဒၪဘၪ ဖုမုၪအခိၪ ၥွံၪဒံၭဘၪ မွဲကဒၪဘၪ ဖုမုၪၥံၪဒံၭအ့ၬႉ
ကထုၪ့ဎး ၦမုၪနၩ့ဖိၪနီၪ စံၭဆၧၫ့ထဲၩ့ မွဲယူၭ မွဲယူၭ ဖုမုၪၥံၪလနဲၪဖျီၪထၪ့အၥၭအ့ၬနီၪ ဝဲခွၫလဒၪဘၪလီၫႉ ဖုမုၪၥံၪအီၪအလး ထယီၩ ယံၬယူၭႉ ဝဲခွၫနီၪ အၥုၪ့အၥၭတီၩလီၩ့အကၠီၩ့ ဒၪဘၪလၧဖုမုၪၥံၪလီၫႉ နကလ့ၩအီၪကွ့ၩ ဖုမုၪၥံၪလၧအတဝၫ့ဧၪ အခံၫ့အီၪမွဲအ့ၬ ဧၪႉ ဝဲခွၫကမိလ့ၩခီၫလၧ ဖုမုၪလကိၭဒံၭဘၪအိၩယူၭႉ အ့ၪနကိၭယၧၩ အၡါမၪနီၪ ယလ့ၩအ့ၬ ကအီၪဧၪ ဖုမုၪႉ ၦမုၪနၩ့ဖိၪယီၩ ထဲၩ့ကိၭ န့ စခးချံၪ့လၧ အဝ့ၫအတဝၫ့နီၪလီၫႉ