လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ လဂၩဒဲလဂၩပကဘၪ ကၩ့ကၩဎိၭလၩ့လိၬၥၭ အဂဲးအကၠီၩ့နီၪလီၫႉ လဂၩဘၪလဂၩ ကၩ့ကၩဎိၭလၩ့လိၬၥၭ အီၪစွါဘဲၫႇ ပကကၧၩ့ထၪ့ ဆၧအဲၪဆၧကွံၩအဂး မွဲဝ့ၫ အရ့ၩဎိၩထုၬနီၪလီၫႉ လါနၫ့ႇ ၥၭဘၪ့ဒဲ ၦၥၭၡါၥံၪအကျၩ ဆၧလူဆၧချဲၩ့ မီၫ့ဎီၩ့လိၬၥၭအ့ၬနီၪလီၫႉ လဂၩဘၪလဂၩ ပကဘၪချဲၩ့ဒၧၫ့လိၬၥၭလၧ ဆၧယူၭယၪ့နီၪလီၫႉ လဂၩဘၪလဂၩ ပကဘၪဖ့ၪအ့ၪလိၬၥၭအခံၫ့နီၪလီၫႉ လကၭဒ့ၭဘၪ ပကဘၪမၩဖျီၪထၪ့လိၬၥၭ ဆၧအဲၪဆၧကွံၩအဂး ပကဘၪမၩန့အခံၫ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧအယီၩနီၪ မွဲဝ့ၫဒၪ ယိဆၧၩ့ ၥုၪ့လၩ့ဘၪမၬနီၪလီၫႉ ၦကိၭဂၩ ပကဘၪထုၪ့လၩ့ၥၭ ဆၧကမံၩ့နီၪ အ့ၪပချဲၩ့လၧ ၦဂူၫဂၩ ပကဘၪချဲၩ့အခံၫ့လထီၩ့ဘၪ ခိၭနၫၦဂူၫဂၩချဲၩ့နီၪလီၫႉ ဆၧအယီၩနီၪ မွဲဝ့ၫဒၪ ၥနိၫ့ကမံၩ့နီၪလီၫႉ ဆၧလၧပကဲၪၦၡၩနီၪ ပကဘၪအီၪအၪ့လၧ ၥနိၫ့နီၪလီၫႉ လၩ့ဆၫ့ဒၪဆၧ ကၩ့ကၩဎိၭလၩ့ ဆၧအခံၫ့ ၦဂူၫဂၩချဲၩ့အခံၫ့နီၪ ပကဘၪခိၭနၪလၧ ဆၧယူၭယၪ့နီၪလီၫႉ ဘၪမနီၪလဲၪစွါဘဲၫႇ ပကဒၪဘၪ အနဲၩအဎီၩ့ဆၧကမံၩ့နီၪ ၦၡၩလနၩ့နၩ့နီၪ ၦဂူၫဂၩချဲၩ့အခံၫ့ ခိၭဝ့ၫအ့ၬ ဂဲၫဆွံၫနုၬချဲၩ့ဝ့ၫနီၪလီၫႉ အ့ၪပမၩ ဆၧကၩ့ကၩဎိၭလၩ့ဆၧ အခံၫ့ ပကဘၪဂၭဎ့ၭ အီၪက့ၪဆၧမၪချဲၩ့ထၪ့ဒၩဂီၩ့ ပကဘၪဖ့ၪအ့ၪလိၬၥၭ ဆၧဖ့ၪကိၪ့နီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လဂၩဘၪလဂၩ ပကဘၪဖံၭၥိၭလိၬၥၭလၧ ဆၧယူၭယၪ့ကၥ့ၪအဂး ပကဘၪ ထုၪ့လၩ့ပၥၭနီၪလီၫႉ ပခိၭယိၬလါလၧ ၦဂူၫဂၩအီၪလန့ဘၪနီၪလီၫႉ အ့ၪပၥၭထၪ့အခံၫ့ ပချဲၩစွါဘဲၫ ဆၧဘၪမၪကဲၪထၪ့ၥ့ၪအၪမၬဒ့ၭႇ လကၭဒ့ၭဘၪ ၦဂူၫဂၩအဂး ဆၧဘၪထံၭဘၪဆၫ ကအီၪအၪမၬဒ့ၭနီၪလီၫႉ ဆၧနီၪအကၠီၩ့ႇ အ့ၪပကၩ့ကၩဎိၭလၩ့ဆၧအခံၫ့ ပကဘၪထုၪ့လၩ့ ပချဲၩ့ဆၧလီၩဆၧ ပကဘၪခိၭနၪ ၦဂူၫဂၩႇ ပဆၧလူၬဆၧချဲၩ့ဖၧၩ့ ပဘၪဖၭထၬ ၥနိၫ့လိၪဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ