ခိၭနၪနမၪအဆၧချဲၩ့နီၪလီၫႉ ဂံၪ့ဒီၪ့ကဖျိၪ့နီၪ ခိၭနၪအမၪအဆၧချဲၩ့ဂီၩ့ ဂၭဂီၩ့လအီၪဘၪနီၪလီၫႉ ပမၪနီၪလနၩ့ဘၪ အဝၩအကၠီၩ့ဖျုၭလုထၬဝ့ၫအကၠီၩ့ ဂၭဂီၩ့နီၪလီၫႉ ပကဲၪဝၩလဂၩနီၪ ပအဲၪပမၪအကၠီၩ့ ပခိၭနၪပမၪအဆၧချဲၩ့ ပၥၭမဲၪပမၪႉ လါနၧၫ့ဂ့ၩ ၦဂူၪဂၩလီၩပၩ ပဘၪၥၭမဲၪပမၪ လီၩဆၪပၩစွါဘဲၫ အီၪကံၪထၬဘၪလၧ နၥၭဖၧၩ့လဂ့ၩႉ ဘၪနီၪလဲစွါဘဲၫ ပကဲၪဝၩလဂၩနီၪ ပကဘၪအဲၪ ပဂံၪ့ဒီၪ့ဖိၪ ပမၪၥံၪ ပဖိၪပဒံၪၥံၪႇ လကၭဒံၭ အဝ့ၫၥံၪအဂး ပကဘၪဖ့ၪလၫ့အခံၪ့ ပကဘၪယိခွါ ပကဘၪအီၪလၧ အဝ့ၫၥံၪအနဲၩထံၭလီၫႉ ၦထံၩပၥိၭၥံၪလီၩချဲၩ့ပၩလါနၫ့ ပကကဲၪဘၪ ပဖိၪပမၪအဂး ပခွၫအဂံၩကဂၩနီၪလီၫႉ အခံၪ့ထီၩ့ ပလအီၪမုၭဆီၪ့ချဲၪ့ဘၪစွါဘဲၫ ၦၡၩကယိထဲၩ့ခွါထဲၩ့ပၩနီၪ မွဲဝ့ၫဒၪ ပဖိၪပမၪနီၪလီၫႉ ဂီၩ့ပကဘၪအၪ့ဎၬလၩ့ထဲၩ့ပၥၭ ပဖိၪအဂးပကဲၪ ဖါအဂ့ၩကဂၩယူၭဧၪႇ ပမၪအဂး ပကဲၪဝၩအဂ့ၩကဂၩယူၭဧၪႉ ပခိၭနၪပမၪအဆၧချဲၩ့နီၪ မွဲဝ့ၫဒၪ ပအဲၪပမၪအၪမၬအကၠီၩ့ ၦဂူၪဂၩ အၪ့န့ ဆၧဒီၩ့န့အီၪ ပကဘၪအီၪနဲၪအ့ၪအဝ့ၫၥံၪနီၪလီၫႉ