ၦၡၩကိဂၩဒ့ၭနီၪ လိၪဝ့ၫဒၪဂံၪ့ဖိၪကဖျိၪ့နီၪလီၫႉ ဂံၪ့နီၪမွဲဂံၪ့ဘဲၫၥ့ၪလဲၪစွါဘဲၫ မွဲဘဲၫယီၩၥိၭလီၫႉ ဆၧအဲၪဆၧကွံၩ ဆၧယူၭယၪ့ဒဲ ဆၧဒူၩဆၧယးလၧၫ့ဎွ့ၩဝ့ၫဒၪဂံၪ့ဖိၪႇ အ့ၪမွဲဆၧဘၪမၪအီၪဆ့ ကဂၩဒဲကဂၩ ဖျါခွံၬလိၬၥၭႉ နၪၥ့ၪလိၬၥၭဂ့ၩဘၪစဲၪ့ႇ ယိထဲၩ့ခွါထဲၩ့လိၬၥၭႇ ကဂၩအဆၧကၪဆၧဂဲၩ ကဂၩဝၩ့မၩဆၧၩ့ဝ့ၫဒၪႉ
ကယဲဂံၪ့ဒီၪ့ဖၧၩ့ ဆၧခိဆၧဝီၩအီၪဝ့ၫဒၪလဖၪနီၪ ဂံၪ့ဒီၪ့ဖိၪၥံၪလဖၪ လၧဆၧယံၩဆၧၡီၩ့ဖၧၩ့ ခိးဂဲး ခိးဘၭ မၩၡူၪလၩ့ဘၩလၩ့ထဲၩ့ဝ့ၫဒၪႉ ပၥၭအုၭအဂဲးလဖၪနီၪ ပကၩ့ဂၩဎိၭလၩ့န့ဝ့ၫဒၪဂီၩ့ ပမၩပျၩ့ထၪ့ ပၥၭန့ဝ့ၫဒၪ ဂံၪ့ဖိၪကဖျိၪ့ႇ ပစဲၪ့ထၪ့ဒၪခွံၬလါနၫ့ ပယိထဲၩ့ပလးခဲၫ့အခၫ စံၭပၧၩလၧ “ပအီၪအီ” ဘဲၫနီၪ ဂီၩ့ အီၪခိၭထိးဆၧၫ့ပၧၩ ကိထီဒ့ၭဂံၪ့ဖိၪကဖျိၪ့ႇ ဎွ့ၩလၩ့ဝ့ၫဒၪလၧ ဆၧအဲၪဆၧကွံၩႇ ဆၧယိထဲၩ့ခွါထဲၩ့ႇ ဆၧနၪၥ့ၪလိၬၥၭႇ ဆၧမၩဆၧၩ့လိၬၥၭ ဒဲ ဆၧယံၩဆၧၡီၩ့ ဂံၪ့ဖိၪကဖျိၪ့နီၪ ၦၡၩကိဂၩလိၪဝ့ၫဒၪလီၫႉ
ကဲ နၥံၪဧီၪ ဂံၪ့ဘဲၫယီၩၥိၭနီၪ နၥံၪန့ဘၪယူၭဧၪႉ ဂဲၫကွ့ၭလၩ့ထၬအ့ၪပၧၩဒၪလူၬနဲၪႉ
နးအဲၪဖီၫဘွၩ