ထၧၫ့ဖုဝဲၦဆူနဲၩဖိၪထီးလူၬၥံၪဧ့ႇ ကနံၩယီၩ ယိၩယိၩနံၪ့အထးဖၧၩ့ႇ မုအီၪပွံၭနံၩႇ မုနွ့ၫ(၃) နွ့ၫလနွ့ၫႇ မးၥံၫနံၩလီၫႉ ကနံၩယီၩႇ ဆၧအီၪကီၪ့မၩလၩမၩဖၩ့ ယွၩအလူအထၫမုအီၪပွံၭနံၩႇ အဘိၪ့မုနံၩလီၫႉ ဆၧအီၪကီၪ့ကမၩလၩမၩဖၩ့ႇ အၪ့ဎါမၩလိၪ ဒဲကလီၩလၩ့လၬလၩ့အဂး ဘိၪ့မုနံၩယီၩ ဘၪဆၧမၩကဲၪထၪ့ထၬဝ့ၫ ၥၫ့ဎွၩဒိၪဖရၫ့စ့ၭ လၧနံၪ့ ၂၀၁၉နံၪ့ဒၪအိၩလီၫႉ

ဆၧနီၪအကၠီၩ့ႇ ကနံၩယီၩလံၬဆံၫ့ဎံၪလဖၪ  ဘၪထွ့ၫလၧယွၩအလူအထၫနီၪ အရ့ၩဒိၪနၭမၬအကၠီၩ့ ပနါဂၧၫ့လီၫႉ

လံၬဆံၫ့ဎံၪအခၪ့ထံၭလဘံၪ့ (စနံၫဟမဲအၫ)

ပနါဂၧၫ့ဘၪ ၦလုဆၧဒဲၦကွ့ၭလံၬ စအ့ဇရၫဖီထၪ့ယွၩအလူၫအထၫႇ လံၬဆၧမၪလူၬ လၧၦခမျၧးအမ့ၬယၫ လၧအလူၥီၫဖၭဒိၪတၭႇ ၦခမျၧးလဖၪခိၭနၪဝ့ၫလၩ့ထံးလၩ့ဆ့ၭလီၫႉ

စံၭထၪ့အၪ့အူၭ

ယွၩအလူအထၫနီၪ   မွဲၥၭဒဲဆၧမၧၫ့လီၫႉ

ယွၩအၥနိၫလဖၪတီၩဝ့ၫတၭႇ မၩဎွံၫထၪ့ထဲၩ့ပၥၭလီၫႉ ယွၩအဆၧမၪလူၬလဖၪနီၪ ဆံၫ့ဎံၪဝ့ၫတၭႇ မၩဖၩ့ထၪ့ၦမ့ၬၥၪလီၫႉ

လၧလံၬဆၧၥၭထိၬပရၧၫ့ဘၪဆၧကွ့ၭထၬဝ့ၫလၧစလုကၭအဖၧၩ့ႇ ပနါဂၧၫ့ဘၪ ယ့ၫၡုၬလၧဎွ့ၩလၧၥၭမုဆံၫ့ဎံၪႇ ဂဲၫထဲၩ့လၧအခးနၫဇရ့ၭႇ လၧမးၥံၫနံၩနီၪ လ့ၩလၧဆၧလုဂံၪ့တၭႇ ဖီထၪ့စအဲစ့ယၫအလံၬႉႉႉႉ

စအဲစ့ယၫအလံၬ ချဲၩ့ဆၧမီၪအချိၬ ဎြံၬလအီၪဖျဲၪဒံၭဘၪ နံၪ့ ၇၀၀

ယွၩအၥၭအီၪလၧယလီၩ့လီၫ. အဂဲးဘဲၫယီၩဂုၪယူၭယၧၩ

ဘဲၫၥိၭယမိလီၩလၩ့လၬလၩ့ ဆၧၥၭထိၬအပရၧၫ့ လၧၦၡၪ့ဖိၪယၬဖိၪလီၫ.

အၪ့မၧၫ့လၩ့ယၧၩဘဲၫၥိၭယမိမၩဘျၪထဲၩ့ၦ အၥုၪ့ခါအၥၭလၩ့,

ဘဲၫၥိၭယမိကိၭထၪ့ဆၧဖီၩ့ဖျ့ၭလၧ ၦဘၪဆၧအၪ့မၧၫ့ဎီးဝ့ၫအဂး,

ဒဲဒုၭဒၪထၪ့ထဲၩ့ၦလၧအမ့ၬဘျီၪ,

ဘဲၫၥိၭယမိဖျါခွံၬၦဘၪဆၧမၩအၧၩ့မၩနၭဝ့ၫ,

ဘဲၫၥိၭယမိမၩဂၧၫ့ထၪ့ၥၩလၩ့နံၪ့လၧအဘၪယွၩအၥၭနီၪလီၫ.

အဝ့ၫဒၪချဲၩ့ထၪ့ၥၫ့ဆၧ လၧအဝ့ၫၥံၪ, စံၭဝ့ၫ, ဆၧကွ့ၭအၥၭယီၩ, လၧၫ့ထၪ့ဎွ့ၩထၪ့လၧနၥံၪအနါဖၧၩ့လၧ မုဆၫလနံၩယီၩလီၫ.

အဲၪကွံၩဘၪထၧၫ့ဖုဎြံၬဖိၪၥံၪဧ့ႇ မုကနံၩယီၩ လံၬဆံၫ့ဎံၪနဲၪအ့ၪပၧၩ ဆၧဖီလၩ့ယွၩအလူအထၫႇ ဆၧခိၭနၪယွၩအလူအထၫနီၪ မွဲအရ့ၩဒိၪနၭမၬလၧနးၥၭအဂးလီၫႉ

လၧလံၬဆံၫ့ဎံၪအဆိၫထုၬလဘံၪ့အဖၧၩ့ႇ စအ့ဇရၫဖီၪ့ထၪ့လံၬဆၧမၪလူတၭႇ ၦခမျၧးလဖၪခိၭနၪဝ့ၫလၩ့ထံးလၩ့ဆ့ၭႇ လၧယူၭယၪ့ဒိၪဒိၪလ့ၬအဖၧၩ့လါနၫ့ ယ့ၫၡုၬဖီထၪ့စအဲစ့ယၫအလံၬလၧဆၧလုဂံၪ့ဖၧၩ့ကကၠၪႇ ၦခမျၧးၥံၪ ထိးဆၧၫ့အဝ့ၫဂ့ၩဂ့ၩဘၪဘၪအ့ၬႉ

ယွၩအၥၭအီၪလၧယလီၩ့လီၫႉ

ယွၩအၥၭမုအီၪလၧယလီၩ့ႇ (ထီးအဖီၩ့ခွံၬႇ ထီဘိၩယီၩႇ ထီလယၫ) ဒဲအဆိၩဆိၩအကၠၪကၠၪ ဖါကဆါႇ ဖိၪကဆါႇၥၭမုဆံၫ့ဎံၪကဆါႇ နၫ့ဆါၥၧၫ့ဂၩယွၩလဂၩယီၩ မွဲဆၧလမံၩ့ဎးလီၫႉ

လၧၥၭမုဆံၫ့ဎံၪအစီၩ့အမၩ့—စလုကၭအဆၧၥၭထိၬပရၧၫ့- စၭထၪ့လၧကဆါယ့ၫ့ၡုၬလအီၪဖျဲၪထၪ့ဒံၭဘၪ ထီၩ့စိၩလၧအဆၧအီၪမၧၫ့အီၪဂဲၩလၧၦၡၩခမျၧးအကျၩထုၬဝ့ၫႇ   ကယဲစံၭဆၧႇ လီၩဆၧချဲၩ့ဆၧႇ မၩဆၧကိၭမံၩ့နီၪ အီၪလၧၥၭမုဆံၫ့ဎံၪအစီၩ့အမၩဒဲ အဆၧမၩဎုၬဝ့ၫလၧအၥိၭကၠၧၫ့ကၠၧၫ့လီၫႉ

အဆိၫထုၬႇ ကဂဲၫလၩ့အၪ့န့ၦၡၩအဆၧကဲၪအဂး ကဆါယ့ၫၡုၬနီၪ ဘၪဆၧဒၧၩ့ထၪ့န့ဝ့ၫ လၧၦမုၪနၩ့ၥံၫ့ဆ့ၭထံၫဎးမၫရံၫအဒၧၩ့လးဖၧၩ့ႇ လၧၥၭမုဆံၫ့ဎံၪအစီၩ့အမၩ့နီၪလီၫႉ ကစၭထၪ့လီၩ့လၩ့လၬလၩ့ၥၭထိၬပရၧၫ့အဂး ဒိၭန့ဆၧၥူၫဝၭဆံၫ့ဎံၪဂီၩ့ ၥၭမုဆံၫ့ဎံၪဂဲၫဆီးလၩ့လၧအလီၩ(ၦဒိၭဂုၪအၥၭလီၫ) ယ့ၫၡုၬယီၩ မွဲဎြံၬႇ မစဲအၫလီၫႉ  အခီၫပယီၫနီၪ မွဲ ၦဘၪဆၧဂုၪန့လၧၥိၪလီၫႉ..