လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪမွဲဝ့ၫဒၪ ဆၧဘၩဆိၪဖၪဒဲ ဆၧခိၭနၪဆၧ အဂဲးအကၠီၩ့နီၪလီၫႉ ဆၧလၧဆၧဘၩဆိၪဖၪနီၪမွဲဝ့ၫဒၪ ပခိၭနၪကဆါယွၩႇ ပချဲၩ့လၧကဆါယွၩ လါခီၫလါခီၫနီၪလီၫႉ ဆၧနီၪအကၠီၩ့ႇ ပအီၪၥၭမၧၫ့ ကိၭနံၩ့ဖၧၩ့နီၪ ပဘၪဒၪဆၧၫ့ယၫ ဆၧကၪဆၧဂဲၩထီးအလူၬနီၪ ကဲၪထၪ့ ဆၧဘၪထံၭဘၪထၬ နးမံၩ့အ့ၬနီၪလီၫႉ လကၭဒ့ၭဘၪႇ ပကဘၪခိၭနၪ ၦဂူၫဂၩအဂး ကဆါယွၩ ကိၭဖံၭၥိၭပၧၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပမၩဆၧအယီၩစွါဘဲၫႇ ပအီၪၥၭမၧၫ့ဖၧၩ့ ဆၧကၪဆၧဂဲၩ အီၪထီးအလူၬနီၪ ဆၧဆူနဲၩဒဲ ဆၧအဲၪဆၧကွံၩ ကဎိၩထၪ့အဂး အခွးအယါ ကအၪ့လဲၩထၪ့ၥၭနီၪလီၫႉ ဆၧဘၩဆိၪဖၪ လနၩ့နၩ့နီၪ ဆၧအလိၫအီၪအကၠီၩ့နီၪ ပအၪ့က့ၩဘၩဆိၪဖၪဆၧ ၦအၪဒၪဆၧဆီၫ့မီၪဝ့ၫနီၪလီၫႉ အၡါမၪနီၪ ဆၧလၧဆၧဘၩဆိၪဖၪနီၪ ဆၧအလိၫ ပအၪ့က့ၩန့ လါနၫ့ႇ အလိၫအီၪ ပအၪ့က့ၩလန့ဘၪ အခံၫ့စွါဘဲၫ ကဆါယွၩ အလိၪအီၪမနီၪလဲၪနီၪ ပကဘၪခိၭနၪထဲၩ့နီၪလီၫႉ အနီမၬဆံၭ ပမၩန့ကဒီၪ့နီၪ ပမၩဂီၩ့ ပမၩလန့ဘၪကဒီၪ့နီၪ ပကဘၪမၩလၧ ဆၧဆူနဲၩနီၪလီၫႉ
အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧပမ့ၬယၫ အ့ၪပဒၪဘၪ ၦလၧအၥၭလၩ့ဆါၥံၪ ပဖ့ၪအ့ၪပဆၧနံဆၧၫ့ႇ ပဖ့ၪအ့ၪပဆၧချဲၩ့ဆၧၫ့စွါဘဲၫ ပဆၧဆူနဲၩ ကဂဲၫဎိၩထၪ့ လကၭဒ့ၭဘၪႇ ၦဂူၫဂၩအဂး ဂဲးဘၭကန့ဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧၥီၫ့ဆၧၥၫ့အီၪ ဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ